ഈ വർഷത്തെ ബലി പെരുന്നാൾ ദിനത്തോട് അനുബന്ധിച്ച് നടക്കുന്ന മലയാളം ഈദ് ഗാഹ് ദുബായ് അൽ ഖിസൈസിലെ വുഡ് ലം പാർക്ക് സ്കൂളിൽ നടക്കും. ദുബായ് മതകാര്യ വകുപ്പിന്‍റെ കീഴിൽ നടത്തുന്ന ഈദ് നമസ്കാരത്തിന് മസ്‌ജിദ്‌ അൽ അൻസാർ (ജബൽ അലി) ഇമാം സാജിദ് ബിൻ ഷരീഫ് നേതൃത്വം നൽകും.
ഈദ് ഗാഹിൽ പങ്കെടുക്കുന്ന കുട്ടികൾക്ക് പ്രത്യേകം മത്സരങ്ങളും സമ്മാനങ്ങളും ഒരുക്കിയിട്ടുണ്ട്. സ്ത്രീകൾക്ക് പ്രാർഥനയിൽ പങ്കെടുക്കാൻ ലഘു ഭക്ഷണം, പാർക്കിങ് അടക്കമുള്ള പ്രത്യേക സൗകര്യങ്ങൾ കൂടി ഒരുക്കിയിട്ടുണ്ടെന്ന് സംഘാടക സമിതി അറിയിച്ചു.
പുലർച്ചെ 05:45 നാണ് ഈദ് നിസ്കാരം ആരംഭിക്കുക. പ്രാർഥനക്ക് എത്തുന്നവർ മുസല്ല കൈയിൽ കരുതി വുദു എടുത്ത് കൃത്യ സമയത്ത് എത്തണമെന്ന് സംഘാടകർ അറിയിച്ചു. കൂടുതൽ വിവരങ്ങൾക്ക് വിളിക്കേണ്ട നമ്പർ +971 551828616
