ദുബായ്: ഖവാലി രംഗത്ത് നിറസാന്നിധ്യമായ പ്രശസ്‌ത സൂഫീ ഗായകൻ കെ എച്ച് താനൂരിനെ കേരള മാപ്പിള കല അക്കാദമി ദുബായ് ചാപ്റ്റർ ആദരിച്ചു. നിരവധി ഗാനങ്ങൾ രചിക്കുകയും സംഗീതം പകരുകയും ചെയ്ത അതുല്യ പ്രതിഭയാണ് കെ എച്ച്. യു എ ഇ സന്ദർശനത്തിന്റെ ഭാഗമായി ദുബൈയിൽ എത്തിയ താനൂരിനെ ചാപ്റ്റർ പ്രസിഡണ്ട് ബഷീർ ബെല്ലോയും ഹക്കീം വാഴക്കലും ചേർന്ന് ഷാൾ അണിയിച്ചു. നിസാർ കളത്തിൽ ഉപഹാരം സമർപ്പിച്ചു. അസീസ് മണമ്മൽ ,യാസ്ക് ഹസ്സൻ, മുനീർ നൊച്ചാട്, സഹീർ വെങ്ങളം, തസ്‌നീം അഹമ്മദ് എളേറ്റിൽ, ഹുസൈനാർ എടച്ചാക്കൈ, മിസ്ഹബ് പടന്ന, റിയാസ് ഹിഖ്മ, അൻസിയ അനസ്, ഫനാസ്‌ തലശ്ശേരി എന്നിവർ ചടങ്ങിൽ പങ്കെടുത്തു. ജനറൽ സെക്രട്ടറി ഒ ബി എം ഷാജി സ്വാഗതവും ട്രഷറർ പി കെ സി ഷംസുദ്ധീൻ നന്ദിയും പറഞ്ഞു.
