എ​യ​ർ ടാ​ക്സി ഉടൻ യാധാർത്യത്തിലേക്ക് : മൂ​ല്യ​നി​ർ​ണ​യ​ത്തി​നാ​യി വി​മാ​നം യു.​എ​സ്​ വ്യോ​മ​സേ​ന​ക്ക്​ കൈ​മാ​റി.

അ​ടു​ത്ത വ​ർ​ഷം യു.​എ.​ഇ​യി​ൽ എ​യ​ർ ടാ​ക്സി സ​ർ​വി​സ്​ ആ​രം​ഭി​ക്കാ​ൻ ല​ക്ഷ്യ​മി​ടു​ന്ന ആ​ർ​ച്ച​ർ ഏ​വി​യേ​ഷ​ൻ നി​ർ​മി​ച്ച ആ​ദ്യ വി​മാ​നം മൂ​ല്യ​നി​ർ​ണ​യ​ത്തി​നാ​യി യു.​എ​സ്​ വ്യോ​മ​സേ​ന​ക്ക്​ കൈ​മാ​റി. വി​മാ​ന​ത്തി​ന്‍റെ സൈ​നി​ക വ്യോ​മ​യോ​ഗ്യ​ത വി​ല​യി​രു​ത്ത​ൽ റി​പോ​ർ​ട്ട്​ യു.​എ​സ്​ പ്ര​തി​രോ​ധ ഡി​പാ​ർ​ട്ട്​​മെ​ന്‍റ്​ അ​ടു​ത്തി​ടെ അം​ഗീ​ക​രി​ച്ചി​രു​ന്നു. വി​മാ​നം പ​റ​ക്കാ​ൻ സ​ജ്ജ​മാ​ണെ​ന്ന​തി​നു​ള്ള നി​ർ​ണാ​യ​ക​മാ​യ അ​നു​മ​തി​യാ​ണി​ത്. യു.​എ​സ്. സ​ർ​ക്കാ​ർ നി​​ർ​ദേ​ശി​ക്കു​ന്ന പ​രി​ശോ​ധ​ന ന​ട​ത്താ​നും ഇ​ത്​ യു.​എ​സ്​ വ്യോ​മ​സേ​ന​യെ അ​നു​വ​ദി​ക്കും. വെ​ർ​ട്ടി​ക്ക​ൽ ടേ​ക്ക്​ ഓ​ഫും ലാ​ന്‍റി​ങ്ങും ക​ഴി​യു​ന്ന ഇ​ല​ക്​​ട്രി​ക്​ പ​വ​ർ ട്രെ​യി​നും ശ​ബ്​​ദം കു​റ​ഞ്ഞ പ്രൊ​ഫൈ​ലു​മു​ള്ള ആ​ർ​ച്ച​റി​ന്‍റെ എ​യ​ർ​ക്രാ​ഫ്​​റ്റു​ക​ൾ സൈ​നി​ക വ്യോ​മ ഓ​പ​റേ​ഷ​നു​ക​ൾ​ക്ക്​​ ഏ​റ്റ​വും യോ​ജി​ച്ച​താ​ണെ​ന്നാ​ണ് യു.​എ​സ്​ വ്യോ​മ​സേ​ന​യു​ടെ​ വി​ല​യി​രു​ത്ത​ൽ.

എ​യ​ർ ടാ​ക്സി നി​ർ​മാ​ണ​ത്തി​നും അ​ബൂ​ദ​ബി​യി​ൽ അ​ന്താ​രാ​ഷ്ട്ര ത​ല​സ്ഥാ​നം സ്ഥാ​പി​ക്കു​ന്ന​തി​നു​മാ​യി അ​ബൂ​ദ​ബി ഇ​ൻ​വെ​സ്റഎയർ ടാക്സി നിർമാണത്തിനും അബൂദബിയിൽഅന്താരാഷ്ട്ര തലസ്ഥാനം സ്ഥാപിക്കുന്നതിനുമായി അബൂദബി ഇൻവെസ്റ്റ്മെൻ്റ് ഓഫിസുമായി കോടി ക്കണക്കിന് ഡോളറിൻ്റെ കരാറിൽ ഈ വർഷം തുടക്കത്തിൽ ആർച്ചർ ഏവിയേഷൻ ഒപ്പുവെച്ചിരുന്നു.വൈദ്യുതി ഊർജത്തിൽ പ്രവർത്തിക്കുന്ന വിമാനമാണ് ആർച്ചർ വികസിപ്പിക്കുന്നത്. ആർച്ചറിന് തന്നെയാണ് ഇതിന്റെ പ്രവർത്തന ചുമതലയും. എയർ ടാക്സി സർവിസ് ആരംഭിക്കുന്നതോടെ അബൂദബിയിൽ നിന്ന് ദുബൈയിലേക്കുള്ള യാത്ര സമയം 60 മുതൽ 90 മിനിറ്റിൽ നിന്ന് 10 മുതൽ 20 മിനിറ്റായി കുറയും. 800 മുതൽ 1500 ദിർഹമാണ് യാത്ര ചെലവ്കണക്കാക്കുന്നത്. എമിറേറ്റിനുള്ളിൽ യാത്ര ചെയ്യാനുള്ള ചെലവ് ഏതാണ്ട് 350 ദിർഹമായിരിക്കുമെന്നാണ് സൂചന.

അടുത്ത ഒരു വർഷത്തിനുള്ളിൽ എയർ ടാക്സി യു.എ.ഇയുടെ ആകാശത്ത് പറന്ന് നടക്കുമെന്ന് ആ ർച്ചർ ഏവിയേഷൻ ചീഫ് കൊമേഴ്സ്യൽ ഓഫിസർ നിഖിൽ ഗോയൽ പറഞ്ഞു. എയർ ടാക്സ‌ി യാഥാർ ഥ്യമാകുന്നതോടെ യു.എ.ഇയുടെ യാത്ര ഗതാഗത രംഗത്ത് വലിയ വിപ്ലവം സൃഷ്ടിക്കുമെന്നാണ് കരുതു ന്നത്.