രാഷ്ട്രപതി ദ്രൗപദി മുര്മു വന്നിറങ്ങിയ ഹെലികോപ്റ്ററിന്റെ ടയറുകള് ഹെലിപാഡിലെ കോണ്ക്രീറ്റില് താഴ്ന്നപ്പോള് തള്ളിനീക്കുന്നു
പത്തനംതിട്ട: പ്രമാടത്ത് രാഷ്ട്രപതി ദ്രൗപദി മുര്മു വന്നിറങ്ങിയ ഹെലികോപ്റ്ററിന്റെ ടയറുകള് ഹെലിപാഡിലെ കോണ്ക്രീറ്റില് താഴ്ന്ന സംഭവത്തില് പ്രതികരണവുമായി സംസ്ഥാന പോലീസ് മേധാവി റവാഡ ചന്ദ്രശേഖര്. രാഷ്ട്രപതിയുടെ സന്ദര്ശനവുമായി ബന്ധപ്പെട്ട് യാതൊരു സുരക്ഷാവീഴ്ചയും ഉണ്ടായിട്ടില്ലെന്ന് റവാഡ ചന്ദ്രശേഖര് മാതൃഭൂമി ന്യൂസിനോട് പറഞ്ഞു.
ഹെലികോപ്റ്റര് ലാന്ഡ് ചെയ്യാനുള്ള ഹെലിപാഡ് വളരെ വൈകിയാണ് തയ്യാറാക്കിയത്. ലാന്ഡ് ചെയ്യാന് നേരത്തെ തന്നെ ക്രമീകരണമുണ്ടാക്കിയിരുന്നു. ആ നിശ്ചയിച്ച സ്ഥലത്തുനിന്ന് അഞ്ചടി മാറിയാണ് ഹെലികോപ്റ്റര് ലാന്ഡ് ചെയ്തത്. ഇത് സെറ്റാവാത്ത കോണ്ക്രീറ്റ് ഉള്ള ഭാഗത്തായിപ്പോയി. ഇതോടെ ഹെലികോപ്റ്ററിന് മുന്നോട്ട് നീങ്ങാന് സാധിച്ചില്ല. ഇതോടെയാണ് അത് തള്ളി നേരത്തേ ലാന്ഡ് ചെയ്യാന് നിശ്ചയിച്ചിരുന്ന നാലഞ്ച് അടി മാറിയുള്ള സ്ഥലത്തേക്ക് നീക്കിയത്. അല്ലാതെ ഹെലികോപ്റ്ററിനോ രാഷ്ട്രപതിയുടെ ലാന്ഡിങ്ങിനോ യാതൊരു തരത്തിലുമുള്ള പ്രശ്നങ്ങള് ഉണ്ടായിട്ടില്ലെന്നും റവാഡ ചന്ദ്രശേഖര് പറഞ്ഞു.
