ദു​ബൈ​യി​ൽ എ​യ​ർ ടാ​ക്സി പ​രീ​ക്ഷ​ണ​പ്പ​റ​ക്ക​ൽ വി​ജ​യം

ദു​ബൈ: മേ​ഖ​ല​യി​ൽ ആ​ദ്യ​മാ​യി ഇ​ല​ക്​​ട്രി​ക്​ എ​യ​ർ ടാ​ക്സി​യു​ടെ പ​രീ​ക്ഷ​ണ​പ്പ​റ​ക്ക​ൽ വി​ജ​യ​ക​ര​മാ​യി പൂ​ർ​ത്തി​യാ​ക്കി ദു​ബൈ. അ​ടു​ത്ത വ​ർ​ഷം പ​ദ്ധ​തി വാ​ണി​ജ്യാ​ടി​സ്ഥാ​ന​ത്തി​ൽ ന​ട​പ്പാ​ക്കു​ന്ന​തി​ന്​ മു​ന്നോ​ടി​യാ​യാ​ണ്​ പ​രീ​ക്ഷ​ണ​പ്പ​റ​ക്ക​ൽ ന​ട​ത്തി​യ​ത്. ജോ​ബി ഏ​വി​യേ​ഷ​ൻ വി​ക​സി​പ്പി​ച്ച പ​റ​ക്കും ടാ​ക്സി​യാ​ണ്​ പ​രീ​ക്ഷ​ണ​പ്പ​റ​ക്ക​ൽ ന​ട​ത്തി​യ​ത്. ദു​ബൈ-​അ​ൽ​ഐ​ൻ റോ​ഡി​ലെ മാ​ർ​ഗാ​മി​ലെ ദു​ബൈ ജെ​റ്റ്മാ​ൻ ഹെ​ലി​പാ​ഡി​ലു​ള്ള ‘ജോ​ബി’​യു​ടെ പ​രീ​ക്ഷ​ണ കേ​ന്ദ്ര​ത്തി​ലാ​ണ് പ​രീ​ക്ഷ​ണ പ​റ​ക്ക​ൽ ന​ട​ന്ന​ത്.

മാ​ധ്യ​മ പ്ര​തി​നി​ധി​ക​ളു​ടെ​യും ജോ​ബി ഏ​വി​യേ​ഷ​ൻ ടീ​മി​ലെ മു​തി​ർ​ന്ന അം​ഗ​ങ്ങ​ളു​ടെ​യും സാ​ന്നി​ധ്യ​ത്തി​ൽ എ​യ​ർ ടാ​ക്സി നി​ര​വ​ധി ത​വ​ണ​ക​ളാ​യി പ​റ​ന്നു. പ​രീ​ക്ഷ​ണ കേ​ന്ദ്ര​ത്തി​നും ചു​റ്റു​മു​ള്ള മ​രു​ഭൂ​മി​ക്കും മു​ക​ളി​ലൂ​ടെ ടാ​ക്സി ക​ട​ന്നു​പോ​യ ശേ​ഷം വി​ജ​യ​ക​ര​മാ​യി ലാ​ൻ​ഡ്​​ചെ​യ്തു. ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി(​ആ​ർ.​ടി.​എ)​യു​മാ​യി സ​ഹ​ക​രി​ച്ചാ​ണ്​ പ​ദ്ധ​തി ന​ട​പ്പി​ലാ​ക്കു​ന്ന​ത്.പ​രീ​ക്ഷ​ണ​പ്പ​റ​ക്ക​ലി​ന്‍റെ വി​ജ​യം സ​മ്പൂ​ർ​ണ​മാ​യ രീ​തി​യി​ൽ പ​ദ്ധ​തി ന​ട​പ്പി​ലാ​ക്കു​ന്ന​തി​ലേ​ക്കു​ള്ള സു​പ്ര​ധാ​ന ചു​വ​ടു​വെ​​പ്പാ​ണെ​ന്ന്​ ദു​ബൈ കി​രീ​ടാ​വ​കാ​ശി​യും ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ​മ​ന്ത്രി​യു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം പ​റ​ഞ്ഞു.

ഏ​റ്റ​വും ന​വീ​ന​മാ​യ അ​ടി​സ്ഥാ​ന സൗ​ക​ര്യ​ങ്ങ​ൾ ന​ട​പ്പി​ലാ​ക്കു​ന്ന​തി​ലെ ദു​ബൈ​യു​ടെ അ​ഭി​ലാ​ഷ​ങ്ങ​ളെ പ​ദ്ധ​തി പ്ര​തി​ഫ​ലി​പ്പി​ക്കു​ന്നു​വെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ഈ ​നേ​ട്ടം ദൂ​ര​ങ്ങ​ൾ കു​റ​ക്കു​ക​യും ദു​ബൈ​യി​ലെ ജീ​വി​ത നി​ല​വാ​രം ഉ​യ​ർ​ത്തു​ക​യും സു​സ്ഥി​ര​വും പ​രി​സ്ഥി​തി സൗ​ഹൃ​ദ​വു​മാ​യ ന​ഗ​ര ഗ​താ​ഗ​ത​ത്തെ പു​ന​ർ​നി​ർ​വ​ചി​ക്കു​ക​യും ചെ​യ്യും. ന​വീ​ക​ര​ണ​ത്തി​ലും സാ​​ങ്കേ​തി​ക​വി​ദ്യ​യി​ലും ആ​ഗോ​ള ത​ല​ത്തി​ൽ യു.​എ.​ഇ​യു​ടെ പ​ദ​വി ​ശ​ക്തി​പ്പെ​ടു​ത്തു​ന്ന​തി​ന്‍റെ ഭാ​ഗം കൂ​ടി​യാ​ണി​ത്​ -അ​ദ്ദേ​ഹം കൂ​ട്ടി​ച്ചേ​ർ​ത്തു.

ന​ഗ​ര​ത്തി​ലു​ട​നീ​ളം എ​ളു​പ്പ​ത്തി​ലും വേ​ഗ​ത്തി​ലും സു​ര​ക്ഷി​ത​മാ​യും സ​ഞ്ച​രി​ക്കാ​ൻ ആ​ഗ്ര​ഹി​ക്കു​ന്ന താ​മ​സ​ക്കാ​ർ​ക്കും സ​ന്ദ​ർ​ശ​ക​ർ​ക്കും എ​യ​ർ ടാ​ക്സി പു​തി​യ മി​ക​ച്ച സേ​വ​നം ഉ​റ​പ്പാ​ക്കു​മെ​ന്ന്​ ആ​ർ.​ടി.​എ ഡ​യ​റ​ക്ട​ർ ബോ​ർ​ഡ്​ ചെ​യ​ർ​മാ​നും ഡ​യ​റ​ക്ട​ർ ജ​ന​റ​ലു​മാ​യ മ​താ​ർ അ​ൽ താ​യ​ർ പ​റ​ഞ്ഞു. ദു​ബൈ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ​നി​ന്ന്​ പാം ​ജു​മൈ​റ​യി​ലേ​ക്കു​ള്ള യാ​ത്ര ഇ​തി​ലൂ​ടെ 12 മി​നി​റ്റി​ൽ സാ​ധ്യ​മാ​കും. കാ​റി​ൽ 45 മി​നി​റ്റ്​ വേ​ണ്ടി​വ​രു​ന്ന​താ​ണി​ത്.