മൂന്നു മാസം വേദന കടിച്ചമര്ത്തി ആശുപത്രിയില് കഴിഞ്ഞപ്പോള് ഡോക്ടര്മാരില് നിന്നു ലഭിച്ച സ്നേഹവും പരിചരണവും ഡോക്ടറാകണമെന്ന മോഹം അസ്നയില് വളര്ത്തി. വേദനയിലും തളരാതെ അസ്ന ആ ആഗ്രഹത്തെയും എത്തിപ്പിടിച്ചു. കോഴിക്കോട് ഗവ. മെഡിക്കല് കോളജില് എംബിബിഎസ് പ്രവേശനം നേടി. എന്നാല് അന്ന് നാലാം നിലയിലെ ക്ലാസ് മുറിയിലേക്ക് കയറാനാകാതിരുന്ന അസ്നക്കായി അന്നത്തെ മുഖ്യമന്ത്രി ഉമ്മന്ചാണ്ടി 38 ലക്ഷം രൂപ ചെലവില് കോളജില് ലിഫ്റ്റ് സ്ഥാപിച്ചു. ഒടുവില് 2020 ഫെബ്രുവരി 6ന് അസ്ന സ്വന്തം നാടിന്റെ ഡോക്ടറായി.
