കുവെെറ്റ് സിറ്റി: ചെറിയ വരുമാനക്കാരായ പ്രവാസികൾക്ക് നാട്ടിൽ പോകാൻ വേണ്ടി തയ്യാറെടുക്കാൻ പറ്റുന്ന നല്ല സമയം ആണ് വരുന്നത്. എയർഇന്ത്യ എക്സ്പ്രസ് നവംബർ, ഡിസംബർ മാസങ്ങളിൽ ഉള്ള നിരക്ക് കുത്തനെ കുറച്ചു. കുവെെറ്റിൽ നിന്നും കോഴിക്കോട്, കണ്ണൂർ എന്നിവിടങ്ങളിലേക്കുള്ള ടിക്കറ്റ് നിരക്കാണ് കുറച്ചിരിക്കുന്നത്. ഈ മാസം അവസാനം കോഴിക്കോട്ടേക്ക് ടിക്കറ്റ് എടുക്കുകയാണെങ്കിൽ 32 ദിനാറിന് ലഭിക്കും.
ഈ മാസം 30 മുതൽ ഡിസംബർ 15 വരെ 48 ദീനാറാണ് ഇപ്പോൾ സെെറ്റിൽ കാണിച്ചിരിക്കുന്ന നിരക്ക്. ഡിസംബർ 16 മുതൽ ഇത് 40 ദിനാർ ആയി ലഭിക്കും. കുവെെറ്റിൽ നിന്നും കോഴിക്കേട്ടേക്കാണ് ഈ നിരക്കുളളത്. ജനുവരിയിലെ ആദ്യ രണ്ടാഴ്ച നിരക്ക് നോക്കുകയാണെങ്കിൽ അത് 68 ദിനാറിലേക്ക് ഉയരും. ജനുവരി പകുതിയോടെ 60 ദിനാറിലേക്ക് നിരക്ക് ഉയരും.
ചൊവ്വ, ബുധൻ, വെള്ളി ദിവസങ്ങളിൽ ഒഴികെ ആഴ്ചയിൽ എല്ലാ ദിവസവും എയർഇന്ത്യ എക്സ്പ്രസ് നാലു സർവിസുകൾ കുവെെറ്റിൽ നിന്നും കോഴിക്കേട്ടെക്ക് നടത്തുന്നുണ്ട്. ഡിസംബർ മുതൽ ചൊവ്വ, വെള്ളി ഒഴികെയുള്ള ദിവസങ്ങളിൽ സർവീസുകൾ ഉണ്ടായിരിക്കും. ഡിസംബറിൽ കുവെെറ്റിൽ നിന്നും കണ്ണൂരിലേക്ക് 20, 23, 27 തീയതികളിൽ 36 ദിനാർ മുതൽ ലഭ്യമാണ്. ഡിസംബർ ആദ്യത്തിൽ കുവെെറ്റിൽ നിന്നും കണ്ണൂരിലക്കുള്ള ടിക്കറ്റ് നിരക്കിൽ വലിയ ഉയർച്ചായണ് ഉള്ളത്. 54 ദിനാർ മുതൽ 60 ദിനാറിലേക്ക് എത്തുന്നുണ്ട് നിരക്ക്. ഡിസംബർ 14 ന് ശേഷം 86 ദീനാറും, 21ന് 68 ദീനാറുമാണ് ഇപ്പോൾ സെെറ്റിൽ കാണുന്നത്. ജനുവരി ആദ്യ ആഴ്ചകളിൽ 68 ദീനാറാണ് നിരക്ക്.
കുവെെറ്റിൽ നിന്നും കണ്ണൂരിലേക്ക് തിങ്കൾ, വ്യാഴം ദിവസങ്ങളിൽ ആഴ്ചയിൽ രണ്ടു ദിവസത്തെ സർവീസുകൾ ആണ് ഉള്ളത്. കോഴിക്കോട്ട് നിന്നും കുവെെറ്റിലേക്ക് ഈ മാസം 53 ദീനാറാണ് ഉയർന്ന നിരക്ക്. ഡിസംബറിന്റെ അവസാനത്തിൽ 71 ദിനാറും, ഡിസംബറിന്റെ അവസാനത്തിൽ 91 ദിനാറും ആണ് ഇപ്പോൾ കാണുന്നത്. ജനുവരി ആദ്യ വാരം 91 ദിനാറും പിന്നീട് ആദ്യ ആഴ്ച തന്നെ 71 ദിനാറും ആണ് സെെറ്റിൽ കാണുന്നത്.
കണ്ണൂരിൽ നിന്ന് കുവൈറ്റിലേക്ക് നംവംബർ മുതൽ തന്നെ ഉയർന്ന നിരക്കാണ് ഈടാക്കുന്നത്. ഡിസംബർ ആദ്യ ദിവസങ്ങളിൽ 63 ദീനാർ ആണ് ഈടാക്കുന്നത്. ഡിസംബർ 28 മുതൽ 82 ദിനാർ ആണ് നിരക്ക് ഇപ്പോൾ സെെറ്റിൽ കാണുന്നത്. ജനുവരി ഒന്നിന് 98 ദിനാർ, നാലിന് 110 ദീനാർ എന്നിങ്ങനെയാണ് നിരക്ക് ഈടാക്കുന്നത്.
അധിക ബാഗേജ് കെണ്ടു പോകുന്നതിന് എയർ ഇന്ത്യ എക്സ്പ്രസ് നിരക്ക് കുറച്ചിട്ടുണ്ട്. കുറഞ്ഞ നിരക്ക് ഡിസംബർ 10 വരെ മാത്രമെ ലഭിക്കുകയുള്ളു. 10 കിലോ അധിക ബാഗേജിന് ഒരു ദീനാർ മാത്രമാണ് ഈടാക്കുന്നത്. 15 കിലോ അധിക ബാഗേജിന് 10 ദീനാറ് നൽകിയാൽ മതിയാകും.
