അജ്മാൻ: യുഎഇയിലെ ഇന്ധനവില കമ്മിറ്റി ഈ മാസത്തെ നിരക്ക് പ്രഖ്യാപിച്ചതിന് പിന്നാലെയാണ് അജ്മാനിൽ ടാക്സി നിരക്ക് വർധിപ്പിച്ചത്. ഓരോ കിലോമീറ്ററിനും 1.82 ദിർഹമായി ടാക്സി നിരക്ക് നിശ്ചയിച്ചതായി അജ്മാൻ ട്രാൻസ്‌പോർട്ട് അതോറിറ്റി അറിയിച്ചു. പുതുക്കിയ നിരക്ക് ഈ മാസം മുഴുവൻ ബാധകമായിരിക്കും എന്ന് അധികൃതർ അറിയിച്ചു.
ഓരോ കിലോമീറ്ററിനും കഴിഞ്ഞ മാസത്തെക്കാളും കൂടുതൽ ആണ്. കഴിഞ്ഞ മാസത്തെ 1.81 ദിർഹത്തേക്കാൾ ഒരു ഫിൽസ് ആണ് കൂടുതൽ. യുഎഇയിലെ ഇന്ധനവില കമ്മിറ്റി ഈ മാസത്തെ നിരക്ക് പ്രഖ്യാപിച്ചതിന് ശേഷം ആണ് നിരക്ക് വർധനവ് പ്രഖ്യാപിച്ചിരിക്കുന്നത്. ജൂലൈയിൽ ഫുൾ ടാങ്ക് പെട്രോൾ ലഭിക്കണം എങ്കിൽ വില കൂടുതൽ ആയിരിക്കും. കഴിഞ്ഞ മാസത്തേക്കാൾ 2.55 ദിർഹം മുതൽ 3.70 ദിർഹം വരെ കൂടുതൽ ചെലവാകും.
