ഷാര്‍ജ യൂണിവേഴ്‌സിറ്റിയില്‍ നടന്ന ചടങ്ങില്‍ ഷാര്‍ജ ഉപഭരണാധികാരി ഷെയ്ഖ് സുല്‍ത്താന്‍ ബിന്‍ അഹമ്മദ് ആല്‍ഖാസിമിയുടെ സാന്നിധ്യത്തിലാണ് പുതിയ സാറ്റ്‌ലൈറ്റ് നിര്‍മിക്കാന്‍ കരാര്‍ ഒപ്പിട്ടത്. ഷാര്‍ജ അക്കാമദി ഓഫ് ആസ്‌ട്രോണമി, സ്‌പേസ് സയന്‍സ് ആന്‍ഡ് ടെക്‌നോളജി, നഗരാസൂത്രണ വകുപ്പ്, സേവ, ഷാര്‍ജ നഗരസഭ എന്നിവ തമ്മിലാണ് കരാര്‍. 30 സെന്റിമീറ്റര്‍ ഉയരവും, 20 സെന്റീമീറ്റര്‍ വീതിയുമുള്ള കുബിക് സാറ്റ്ലൈറ്റാണ് നിര്‍മിക്കുന്നത്. നഗരാസൂത്രണം കാര്യക്ഷമമാക്കാനും, ലാന്‍ഡ് മാപ്പുകള്‍ തയാറാക്കാനും പുതിയ ഉപഗ്രഹം സഹായിക്കുമെന്ന് അധികൃതര്‍ വ്യക്തമാക്കി.
