എമ്മ സ്റ്റോണിൻ്റെ പ്രധാന കഥാപാത്രമാക്കി യോർഗോസ് ലന്തിമോസ് സംവിധാനം ചെയ്ത പുവർ തിങ്സ് അഞ്ച് പുരസ്‌കാരങ്ങൾ നേടി. മികച്ച നടി, വസ്ത്രാലങ്കാരം, മേക്കപ്പ്, പ്രൊഡക്ഷൻ ഡെയിൻ തുടങ്ങിയ വിഭാഗങ്ങളിലാണ് സിനിമയ്ക്ക് ബാഫ്ത പുരസ്‌കാരങ്ങൾ ലഭിച്ചത്.
ജോനാഥൻ ഗ്ലേസറിന്റെ ദി സോങ് ഓഫ് ഇന്ററസ്റ്റ് മികച്ച ബ്രിട്ടീഷ് സിനിമയായി തെരഞ്ഞെടുക്കപ്പെട്ടു. ദീപിക പദുകോണായിരുന്നു ഗ്ലേസറിന് പുരസ്‌കാരം സമ്മാനിച്ചത്. ആഗോള തലത്തിൽ ഏറെ ചർച്ച ചെയ്യപ്പെട്ട അനാട്ടമി ഓഫ് എ ഫോൾ എന്ന ചിത്രത്തിന് മികച്ച തിരക്കഥയ്ക്കുള്ള പുരസ്‌കാരം ലഭിച്ചു. ഫ്രഞ്ച് കോർട്ട്റൂം ഡ്രാമയായ അനാട്ടമി ഓഫ് എ ഫോൾ ഗ്ലോബ് വേദിയിലും ഏറെ പുരസ്‌കാരങ്ങൾ നേടിയിരുന്നു.
മികച്ച അനിമേഷൻ ചിത്രം എന്ന വിഭാഗത്തിൽ ജാപ്പനീസ് ചിത്രമായ ദി ബോയ് ആൻഡ് ദി ഹെറോൺ പുരസ്‌കാരം നേടി. മികച്ച അനിമേഷൻ ചിത്രത്തിനുള്ള ബാഫ്ത നേടുന്ന ആദ്യ ജാപ്പനീസ് സിനിമയാണ് ദി ബോയ് ആൻഡ് ദി ഹെറോൺ.
