Connect with us

Sports

ക്രിസ്റ്റ്യാനോയ്ക്ക് ഇത് സിമ്പിൾ, ഞെട്ടിക്കുന്ന തുകയ്ക്ക് മാൻഷൻ വാങ്ങി; സൗകര്യങ്ങൾ ആരാധകരെ അമ്പരപ്പിക്കും

Published

on

പണം ചെലവഴിക്കാൻ ഏത് മാർഗം വേണമെങ്കിലും സ്വീകരിക്കാവുന്ന നഗരമാണ് ദുബായ്. അതി സമ്പന്നർക്ക് ആഡംബര ജീവിതം നയിക്കാനുള്ള എല്ലാ സൗകര്യങ്ങളും ദുബായിൽ ലഭ്യമാണ്. ലോകത്തിലെ അതിസമ്പന്നരെ ദുബായിയിലേക്ക് ആകർഷിക്കാനുള്ള പദ്ധതിയായിരുന്നു ജുമൈറ ദ്വീപ്. തടാകത്തിലേക്ക് തള്ളി നിൽക്കുന്ന, എണ്ണപ്പനയുടെ ആകൃതിയിലുള്ള കൃത്രിമ നിർമിതിയാണ് ജുമൈറ ദ്വീപിനെ ആകർഷമാക്കുന്നത്. ജുമൈറ ലേക്ക് ടവേഴ്‌സ്, റെസിഡൻഷ്യൽ വില്ല ഇതെല്ലാം അടങ്ങുന്നതാണ് ഇത്.

അത്യാഡംബരങ്ങളുടെ പറുദീസ എന്നു വേണമെങ്കിൽ ഇതിനെ വിശേഷിപ്പിക്കാം. ചെറു ദ്വീപുകളായാണ് ജുമൈറയുടെ നിർമ്മാണം. ക്ലസ്റ്റർ എന്നാണ് ഇതിനെ വിളിക്കുന്നത്. ഓരോ ക്ലസ്റ്ററും 16 റെസിഡൻഷ്യൽ വില്ലകൾ അടങ്ങിയതാണ്. ഈ കൃത്രിമ നഗരത്തിൽ എല്ലാ സൗകര്യങ്ങളും ലഭ്യമാണെന്നതും മറ്റൊരു വസ്തുത. അതിസമ്പന്നർക്ക് മാത്രം വാങ്ങാൻ സാധിക്കുന്ന അത്ര ഉയർന്ന തുകയാണ് ഇവിടുത്തെ മാൻഷനുകൾക്ക് എന്നതും മറ്റൊരു വാസ്തവം.

ഈ മാൻഷനുകളിൽ ഒന്ന് പോർച്ചുഗൽ ഇതിഹാസ താരം ക്രിസ്റ്റ്യാനോ റൊണാൾഡോ (Cristiano Ronaldo) സ്വന്തമാക്കി എന്നതാണ് ഏറ്റവും പുതിയ റിപ്പോർട്ട്. കോടീശ്വരന്മാരുടെ ദ്വീപ് എന്ന് അറിയപ്പെടുന്ന ഈ ദ്വീപിൽ സി ആർ 7 മാൻഷൻ വാങ്ങിയതായി ഇംഗ്ലീഷ് മാധ്യമങ്ങൾ റിപ്പോർട്ട് ചെയ്തു. ലോകത്തിന്റെ വിവിധ കോണുകളിൽ വിലയേറിയ പ്രോപ്പർട്ടികൾ ഉള്ള ഫുട്‌ബോളറാണ് ക്രിസ്റ്റ്യാനോ റൊണാൾഡോ. മാർബെല്ല, മാഞ്ചസ്റ്റർ, ടുറിൻ, മാഡ്രിഡ് എന്നിവിടങ്ങളിലെല്ലാം റൊണാൾഡോയ്ക്ക് പ്രോപ്പർട്ടികളുണ്ട്. ഈ പട്ടികയിലേക്ക് ഏറ്റവും ഒടുവിലായി എത്തുകയാണ് ദുബായ്. ഈ വർഷം തന്നെ മാൻഷൻ റൊണാൾഡോയുടെ കൈയിൽ എത്തുമെന്നാണ് വിവരം.

അതേ സമയം ഈ വസ്തുവിന്റെ വിശദാംശങ്ങൾ ഇതുവരെ പുറത്തു വന്നിട്ടില്ല. 30,000 സ്‌ക്വയർ മീറ്റർ വലുപ്പമുള്ള വില്ലയും പുരയിടവുമാണ് സി ആർ 7 വാങ്ങിയിരിക്കുന്നത്. ആറ് ബെഡ് റൂമുകൾ, സ്വകാര്യ ബീച്ച്, ഏഴ് കാർ പാർക്ക് ചെയ്യാനുള്ള ഗാർബേജ്, സ്പാ, ദുബായ് ഡൗൺടൗണിന്റെ കാഴ്ച ആസ്വദിക്കാൻ പാകത്തിലുള്ള സ്വിമ്മിങ് പൂൾ, ജോലിക്കാർക്കുള്ള താമസ സൗകര്യം തുടങ്ങിയവ എല്ലാം ഉൾപ്പെടുന്നതാണ് റൊണാൾഡോ സ്വന്തമാക്കുന്ന വമ്പൻ മാൻഷൻ

ജനുവരി 19 ന് സി ആർ 7 ദുബായിൽ എത്തും. 2023 കലണ്ടർ വർഷത്തിൽ ഏറ്റവും കൂടുതൽ ഗോൾ സ്വന്തമാക്കിയ ഫുട്‌ബോളറിനുള്ള മാറഡോണ പുരസ്‌കാരം സ്വീകരിക്കുന്നതിനാണ് ക്രിസ്റ്റ്യാനോ ദുബായിൽ എത്തുന്നത്. ഗ്ലോബ് സോക്കർ അവാർഡ് സ്വീകരിക്കാൻ എത്തുമ്പോൾ പുതിയ മാൻഷനിലാകും ക്രിസ്റ്റ്യാനോ റൊണാൾഡോ താമസിക്കുക എന്നാണ് റിപ്പോർട്ട്.

59 മത്സരങ്ങളിൽ നിന്നാണ് സി ആർ 7 കഴിഞ്ഞ കലണ്ടർ വർഷത്തിൽ 54 ഗോൾ സ്വന്തമാക്കിയത്. 15 അസിസ്റ്റും സി ആർ 7 നടത്തിയിരുന്നു. ക്ലബ് തലത്തിൽ 50 മത്സരങ്ങളിൽ 44 ഗോളും ക്രിസ്റ്റ്യാനോ റൊണാൾഡോ സ്വന്തമാക്കി. പോർച്ചുഗലിനായി 10 ഗോളും 2023 കലണ്ടർ വർഷത്തിൽ സി ആർ 7 നേടിയിരുന്നു. 2023 കലണ്ടർ വർഷത്തിൽ ഏറ്റവും കൂടുതൽ ഗോൾ നേടിയെങ്കിലും ഐ എഫ് എഫ് എച്ച് എസ് ( ഇന്റർനാഷണൽ ഫെഡറേഷൻ ഓഫ് ഫുട്‌ബോൾ ഹിസ്റ്ററി ആൻഡ് സ്റ്റാറ്റിസ്റ്റിക്‌സ് ) തെരഞ്ഞെടുത്ത 2023 ലെ ഏറ്റവും മികച്ച 11 അംഗ ടീമിൽ സി ആർ 7 ന് ഇടം ലഭിച്ചില്ല. ലോകത്തിലെ ഏറ്റവും മികച്ച 10 കളിക്കാരുടെ ഐ എഫ് എഫ് എച്ച് എസ് പട്ടികയിലും റൊണാൾഡോ ഇല്ലായിരുന്നു.

Continue Reading
Click to comment

Leave a Reply

Your email address will not be published. Required fields are marked *

Sports

17 താരങ്ങൾക്ക് 60 റൂമുകൾ; പാക് ടീമിനെതിരെ വിമർശനം

Published

on

By

ഇസ്ലാമബാദ്: ട്വന്റി 20 ലോകകപ്പിലെ മോശം പ്രകടനത്തിൽ പാകിസ്താൻ ടീമിനെതിരായ വിമർശനം ശക്തമാകുകയാണ്. പാകിസ്താൻ മുൻ വിക്കറ്റ് കീപ്പർ അതിഖ്-ഉസ്-സമാൻ ഇപ്പോഴത്തെ താരങ്ങളുടെ ആഡംബരം ചോദ്യം ചെയ്ത് രംഗത്തെത്തിയിരിക്കുകയാണ്. സമൂഹമാധ്യമങ്ങളിൽ പോസ്റ്റ് ചെയ്ത വീഡിയോയിൽ അതിഖ് ​ഗുരുതര വിമർശനങ്ങൾ ഉയർത്തി.

താൻ ക്രിക്കറ്റ് കളിച്ച കാലത്ത് ടീമിനൊപ്പം ഒരു പരിശീലകനും മാനേജരുമുണ്ടായിരുന്നു. ടീമിലെ കാര്യങ്ങൾ മുന്നോട്ടുപോകുന്നത് അവരുടെ തീരുമാന പ്രകാരമാണ്. എന്നാൽ ഇപ്പോൾ നടക്കുന്നതെന്താണ്. 17 താരങ്ങളും 17 മറ്റ് സ്റ്റാഫുകളും ഇത്തവണ അമേരിക്കയിൽ പോയിരുന്നു. ഇവർക്കായി ബുക്ക് ചെയ്തത് 60 റൂമുകളാണ്. നിങ്ങൾ അമേരിക്കയിലേക്ക് പോയത് ക്രിക്കറ്റ് കളിക്കാനാണോ അതോ അവധിക്കാലം ആസ്വദിക്കാനാണോയെന്നും അതിഖ് ചോദിച്ചു.

ഇത്തരം വലിയൊരു ടൂർണമെന്റിൽ താരങ്ങളുടെ കുടുംബത്തെയും കൂടെ അനുവദിച്ചത് എന്തിനാണ്? ഇത്തരമൊരു സംസ്കാരം പാകിസ്താൻ ക്രിക്കറ്റിൽ ഉണ്ടായിരിക്കുന്നു. ഭഷണം കഴിക്കാനും ഉല്ലാസയാത്രകൾക്കുമാണ് അവർ സമയം ചിലവഴിച്ചത്. ആർക്കും അച്ചടക്കം എന്തെന്ന് അറിയില്ല. രണ്ടാഴ്ച ക്രിക്കറ്റിൽ മാത്രം ശ്രദ്ധിക്കാൻ ആർക്കും കഴിയുന്നില്ല. എന്നിട്ടും ഓരോ വർഷവും കോടികൾ താരങ്ങൾ പ്രതിഫലമായി വാങ്ങുന്നുവെന്നും അതിഖ് കുറ്റപ്പെടുത്തി.

Continue Reading

Sports

പോർച്ചു​ഗലിന്റെ ‘യുവപ്രതിഭ’; താരത്തിന് അഭിനന്ദനം

Published

on

By

ലെപ്സിഗ്: യൂറോ കപ്പിൽ പോർച്ചു​ഗൽ ആദ്യ മത്സരം വിജയിച്ചു. സൂപ്പർ താരം ക്രിസ്റ്റ്യാനോ റൊണാൾഡോയുടെ പിന്നാലെയായിരുന്നു ക്യാമറാക്കണ്ണുകൾ. അയാൾ ഫ്രാൻസിസ്കോ കോൺസെയ്സോയെ അഭിനന്ദിക്കുന്ന തിരക്കിലായിരുന്നു. ഇ‍ഞ്ചുറി ടൈമിൽ ഫ്രാൻസിസ്കോയുടെ ​ഗോളിലാണ് പറങ്കിപ്പട വിജയത്തിലേക്ക് എത്തിയത്. 21കാരനായ ആ യുവതാരത്തിന് പോർച്ചു​ഗൽ ഫുട്ബോളിൽ മറ്റൊരു വലിയ ബന്ധംകൂടിയുണ്ട്. പോർച്ചു​ഗൽ മുൻ താരം സെർജിയോ കോൺസെയ്സോയുടെ മകനാണ് ഫ്രാൻസിസ്കോ.

മത്സരത്തിൽ പകരക്കാരനായി ഇറങ്ങിയ ഫ്രാൻസിസ്കോ ഏഴ് മിനിറ്റ് മാത്രമാണ് കളത്തിലുണ്ടായിരുന്നത്. രണ്ട് തവണ മാത്രമാണ് അയാൾ പന്ത് ടച്ച് ചെയ്തത്. ആദ്യ ഷോട്ട് വലയിലെത്തിച്ചു. മത്സരത്തിൽ പോർച്ചു​ഗലിന്റെ ആക്രമണങ്ങളെ ചെക്ക് റിപ്പബ്ലിക്ക് ഫലപ്രദമായി തടഞ്ഞിരുന്നു. എന്നാൽ ഫ്രാൻസിസ്കോ കളത്തിലിറങ്ങിയതോടെ മത്സരം പോർച്ചു​ഗൽ സ്വന്തമാക്കി.

മത്സരത്തിലെ വിജയശില്പിയെ അഭിനന്ദിക്കാൻ റോബർട്ടോ മാർട്ടിനെസും മറന്നില്ല. യുവപ്രതിഭ എന്നാണ് താരത്തെ പോർച്ചുഗീസ് പരിശീലകൻ വിശേഷിപ്പിച്ചത്. ടീമിനെ സഹായിക്കാൻ താൻ തയ്യാറെന്ന് ഫ്രാൻസിസ്കോ തെളിയിച്ചു. അയാൾ പക്വതയാർന്ന ഒരു താരമാണ്. ഏതാനും മാസങ്ങളായി ക്ലബിനും ടീമിനുമായി അയാൾ കഷ്ടപ്പെടുകയായിരുന്നുവെന്നും മാർട്ടിനെസ് വ്യക്തമാക്കി.

Continue Reading

Sports

സ്വയം തെളിയിച്ച് ‘ടർക്കിഷ് മെസ്സി’; യൂറോ കടുപ്പമാക്കിയ യുവതാരം

Published

on

By

യൂറോ കപ്പിലെ ഏറ്റവും ആവേശം ഉണർത്തിയ മത്സരം. തുർക്കിക്ക് എതിരാളികൾ ജോർജിയ. ഇതാദ്യമായി ജോർജിയ യൂറോപ്യൻ ചാമ്പ്യൻഷിപ്പിനെത്തി. ആദ്യ മിനിറ്റുകൾ തുർക്കിയുടെ ആധിപത്യം. 25-ാം മിനിറ്റിൽ മെർട്ട് മൾഡർ വലകുലുക്കി. അതോടെ ജോർജിയ ഉണർന്നു. ഏഴ് മിനിറ്റിൽ തിരിച്ചടിച്ചു. യുറോ കപ്പ് ചരിത്രത്തിലെ ജോർജിയയുടെ ആദ്യ ​ഗോൾ. പിന്നെ കണ്ടത് ഇരുടീമുകളുടെയും ഇഞ്ചോടിഞ്ച് പോരാട്ടം. 96-ാം മിനിറ്റിൽ ജോർജിയയുടെ തോൽവി ഉറപ്പിച്ച മൂന്നാം ​ഗോൾ പിറന്നു. അതുവരെ മത്സരം കണ്ടിരുന്നവർ ശ്വാസം അടക്കിപിടിച്ചിരുന്നു. ജോർജിയയുടെ പോരാട്ടം ഫുട്ബോൾ ലോകത്തിന്റെ ഹൃദയം കീഴടക്കി. തുർക്കിക്ക് ആത്മവിശ്വാസം നൽകിയ വിജയം. അതിൽ നിർണായകമായത് ഒരു യുവതാരത്തിന്റെ ​ഗോളാണ്. 65-ാം മിനിറ്റിൽ വലകുലക്കുമ്പോൾ റെക്കോർഡ് ബുക്കുകൾ തിരുത്തപ്പെട്ടു.

യൂറോ കപ്പിലെ അരങ്ങേറ്റ മത്സരത്തിൽ ​ഗോൾ നേടുന്ന പ്രായം കുറഞ്ഞ താരം. തുർക്കിയുടെ യുവ അറ്റാക്കിങ് മിഡ്ഫീൽഡർ ആർദ ഗുലെർ. കാൻ അഹ്യാൻ നൽകിയ പാസ്. പന്തുമായി ജോർജിയൻ പോസ്റ്റിലേക്ക് ​ഗുലെർ നീങ്ങി. 25 വാര അകലെ നിന്ന് ഇടം കാൽ ഷോട്ട്. പ്രതിരോധ കോട്ടകൾ തകർത്തെറിഞ്ഞ് വലയിലേക്ക്. 19 വർഷവും 114 ദിവസവും മാത്രം പ്രായം. ടർക്കിഷ് മെസ്സിയെന്ന് അറിയപ്പെടുന്ന റയൽ മാഡ്രിഡുകാരൻ. പോർച്ചു​ഗീസ് ഇതിഹാസം ക്രിസ്റ്റ്യാനോ റൊണാൾഡോയുടെ 20 വർഷം മുമ്പ് കുറിച്ച റെക്കോർഡ് തകർക്കപ്പെട്ടു. 1964ൽ യൂറോ അരങ്ങേറ്റത്തിൽ ​ഗോൾ നേടിയ ഹംഗറിയുടെ ഫെറെങ്ക് ബെനെ ഇനി റെക്കോർഡ് ബുക്കിൽ മൂന്നാമൻ.

കഴിഞ്ഞ ജൂലൈയിൽ ആർദ ​ഗുലെർ റയലിലെത്തി. പക്ഷേ പരിക്ക് വില്ലനായി. കളിക്കാൻ കഴിഞ്ഞത് അഞ്ച് മത്സരങ്ങൾ. അതിൽ നേടിയത് അഞ്ച് ​ഗോളുകൾ. റയൽ ആദ്യം ലാ ലീ​ഗ സ്വന്തമാക്കി. പിന്നെ ചാമ്പ്യൻസ് ലീ​ഗും. ആദ്യമായി ഒരു തുർക്കി താരം ചാമ്പ്യൻസ് ലീ​ഗിൽ മുത്തമിട്ടു. ഇപ്പോഴിതാ ലോകഫുട്ബോൾ മനസിലാക്കുന്നു, തുർക്കിയിൽ നിന്നും ഒരു യുവതാരം ഉയരുന്നുണ്ട്. എംബാപ്പെ പറഞ്ഞതുപോലെ യൂറോകപ്പ് ബുദ്ധിമുട്ട് തന്നെയാണ്. അതിന് കാരണം ​ഗുലെറെപ്പോലെയുള്ള യുവപ്രതിഭകൾ തന്നെ.

Continue Reading

Facebook

Trending

Copyright © 2021 Gulf GTV.