കൊച്ചി: ക്രിസ്മസ്, പുതുവത്സര സീസൺ ആരംഭിച്ചതോട ഗൾഫ് രാജ്യത്തേക്കുള്ള വിമാന ടിക്കറ്റ് നിരക്ക് ഉയർന്നു. കേരള– ഗൾഫ് സെക്ടറിലെ വിമാന ടിക്കറ്റ് നിരക്കിൽ വലിയ നിരക്ക് വർധനവാണ് ഉണ്ടായിരിക്കുന്നത്. ആറിരട്ടിയിലേറെ വർധനയാണ് ഉണ്ടായിട്ടുള്ളത്. കേരളത്തിലെ നാല് വിമാനത്താവളത്തിൽ നിന്നും ഗൾഫ് രാജ്യങ്ങളിലേക്കും തിരിച്ചുമുള്ള വിമാന ടിക്കറ്റിൽ ആണ് വർധനവുള്ളത്. കേരളത്തിലെ പ്രവാസികളെ കൊള്ളയടിക്കുന്ന വിമാന കമ്പനികളെ നിയന്ത്രിക്കാൻ കേന്ദ്ര–സംസ്ഥാന സർക്കാരുകൾ മുന്നോട്ടുവരണമെന്ന ആവശ്യവുമായി നിരവധി സംഘടനകൾ രംഗത്തെത്തിയിട്ടുണ്ട്.
ഡിസംബർ മൂന്നാം വാരം മുതൽ ജനുവരി രണ്ടാം വാരം വരെയാണ് ഗൾഫിൽ സ്കൂൾ അവധി വരുന്നത്. ഈ സമയത്ത് നിരവധി പ്രവാസികൾ നാട്ടിലേക്ക് വരാർ ഉണ്ട്. പ്രവാസികളെ കൊള്ളയടിക്കുന്ന രീതിയിലാണ് ഇപ്പോൾ വിമാന കമ്പനികൾ പ്രവർത്തിക്കുന്നത്.
ഇത്തിഹാദ് എയർവേയ്സിൽ നാട്ടിലേക്ക് വരാൻ നിൽക്കുന്നതെങ്കിൽ തിരുവനന്തപുരത്ത് നിന്ന് ദുബായിലേക്ക് ഇക്കോണമി ക്ലാസിൽ 75,000 രൂപ നൽകേണ്ടി വരും. 10000 രൂപയ്ക്ക താഴെ ലഭിക്കുന്ന ടിക്കറ്റാണ് ഇത്. 50,000 രൂപയുള്ള ബിസിനസ് ക്ലാസ് ടിക്കറ്റിന് പുതുവത്സര ദിനത്തിൽ 1,61,213 രൂപ നൽകേണ്ടി വരും.
കോഴിക്കോട്, കൊച്ചി വിമാനത്താവളങ്ങളിലേക്കും സമാന സ്ഥിതി തന്നെയാണ്. കോഴിക്കോട്ടുനിന്ന് ദുബായിലേക്ക് നിലവിൽ ഇത്തിഹാദിൽ 26,417 രൂപക്ക് എകണോമിക്സ് ക്ലാസിൽ യാത്ര ചെയ്യാം എന്നാൽ ക്രിസ്മസ്–പുതുവത്സര സീസണിൽ 50,000 രൂപ നൽകിയാൽ മാത്രമേ യാത്ര ചെയ്യാൻ സാധിക്കുകയുള്ളു. 4 പേരുള്ള കുടുംബത്തിന് ദുബായിൽ നിന്നും നാട്ടിലെക്കാൽ 2 ലക്ഷത്തിന് മുകളിൽ ടിക്കറ്റ് നിരക്കിൽ നൽകേണ്ടിവരും.
കേരള– യുഎഇ സെക്ടറിൽ കൂടുതൽ സർവീസ് നടത്തുന്ന ഇന്ത്യൻ വിമാന കമ്പനിയാണ് എയർഇന്ത്യ എക്സ്പ്രസ്. എയർഇന്ത്യ എക്സ്പ്രസ് മുൻകൂട്ടി നിരക്ക് ഉയർത്തിക്കഴിഞ്ഞു. 13,500 രൂപ നൽകിയാൽ നാട്ടിലെത്താൻ സാധിച്ചിരുന്നുവെങ്കിൽ ഇപ്പോൾ അരലക്ഷത്തിന് മുകളിൽ നൽകേണ്ടി വരും. കേരളത്തിലെ 4 വിമാനത്താവളങ്ങളിൽ നിന്നും സീസൺ കഴിയുന്നതുവരെ യാത്ര പുറപ്പെടാതെ ഇരിക്കുകയാണ് ബുദ്ധി
ദുബായിൽ നിന്ന് കേരളത്തിലേക്ക് ഈ മാസം 22 ന് ശേഷം യാത്ര ചെയ്യണം എങ്കിൽ വലിയ വില നൽകേണ്ടി വരും. ഡിസംബർ 22 മുതൽ ജനുവരി 8 വരെ എയർ ഇന്ത്യയിൽ യാത്ര ചെയ്യണമെങ്കിൽ 30,000 രൂപയ്ക്ക് മുകളിൽ നൽകണം. ഇപ്പോൾ 12000 രൂപയാണ് നിരക്ക്. എന്നാൽ ഷാർജ, അബുദാബി എന്നിവിടങ്ങളിലേക്കും ഉയർന്ന നിരക്കാണ് ഉള്ളത്.
സീസൺ സമയത്ത് ഗൾഫിലേക്കും തിരിച്ചും ചാർട്ടേഡ് വിമാന സർവീസ് ഏർപ്പെടുത്തുന്നതിനെ കുറിച്ച് നിരവധി തവണ ചർച്ചകൾ വന്നിട്ടുണ്ടെങ്കിലും സംസ്ഥാന സർക്കാരിന്റെ ബജറ്റ് പ്രഖ്യാപനം ഇതുവരെ നടപ്പായിട്ടില്ല. ഓണത്തിന് ചാർട്ടേഡ് സർവീസ് നടത്താൻ കേന്ദ്ര വ്യോമയാന മന്ത്രാലയത്തിന്റെ അനുമതി തേടിയിരുന്നു. എന്നാൽ അത് എവിടേയും എത്തിയില്ല. രാജ്യാന്തര വിമാന സർവീസുമായി ബന്ധപ്പെട്ട വ്യ ഇപ്പോഴുള്ള വ്യവസ്ഥകൾ ആണ് തടസ്സമുണ്ടായത്. വിഷയത്തിൽ പല തരത്തിലുള്ള ചർച്ചകൾ ആവശ്യമാണ്. എന്നാൽ അധികൃതർ അതിന് വേണ്ടി വേഗത്തിലുള്ള ഒരു തയ്യാറെടുപ്പുകൾ നടക്കുന്നില്ലെന്നാണ് പ്രവാസി സംഘടനകൾ ആരോപിക്കുന്നത്.
