ഖത്തർ: ഖത്തർ തൊഴിൽ മന്ത്രാലയത്തിന് ജൂലൈയിൽ എത്തിയത് 7294 പുതിയ അപേക്ഷകൾ. മന്ത്രാലയം പുറത്തുവിട്ട സ്ഥിതിവിവരക്കണക്ക് റിപ്പോർട്ടിലാണ് ഇക്കാര്യം വ്യക്തമാക്കിയിരിക്കുന്നത്. ജൂണിനെ അപേക്ഷിച്ച് പകുതി അപേക്ഷയാണ് ജുലെെയിൽ എത്തിയത്. അപേക്ഷകളിൽ 4665 എണ്ണത്തിന്റെ കുറവാണ് രണ്ട് മാസങ്ങളുമായി താരതമ്യം ചെയ്യുമ്പോൾ ഉണ്ടാകുന്നത്.
തൊഴിൽ പരിഷ്‌കരിക്കുന്നതിനായി 3131 അപേക്ഷകളാണ് എത്തിയത്. 3077 അപേക്ഷകൾക്ക് അംഗീകരിച്ചു. 54 അപേക്ഷകൾ മന്ത്രാലയം തള്ളി. വർക് പെർമിറ്റ് പുതുക്കുന്നതിനായി 9907 അപേക്ഷകൾ ആണ് എത്തിയത്. പ്രത്യേക വർക് പെർമിറ്റിനായി 706 അപേക്ഷകൾ ആണ് എത്തിയത്. ഇതിൽ 466 എണ്ണം പുതുക്കുന്നതിന് ആയിരുന്നു. 64 എണ്ണം പുതിയ അപേക്ഷകൾ ആയിരുന്നു. റിക്രൂട്ട്‌മെന്റ് ഓഫീസുകളിൽ 160 അപേക്ഷകളുടെ പരിശോധനകൾ പൂർത്തിയാക്കി.
വിവിധ സ്ഥാപനങ്ങൾക്കെതിരെ തൊഴിലാളികൾ നൽകിയത് 2221 പരാതികൾ ആണ്. ഇതിൽ 546 പരാതികൾക്ക് തീർപ്പുകൽപ്പിച്ചു. 16 പരാതികൾ തൊഴിൽ തർക്ക പരിഹാര സമിതിയിലേക്ക് റഫർ ചെയ്തു. തൊഴിൽ തർക്ക പരിഹാര സമിതികളുടെ പ്രവർത്തനങ്ങളുമായി ബന്ധപ്പെട്ട് 16 കേസുകൾ ആണ് കെെമാറിയത്. മന്ത്രാലയം പുറത്തുവിട്ട കണക്കുകളിൽ ആണ് ഇക്കാര്യം പറയുന്നത്. ലേബർ സെക്കൻഡ്‌മെന്റിനായി 5773 അപേക്ഷകൾ ആണ് സ്വീകരിച്ചത്. ഇതിൽ 3048 അപേക്ഷകൾക്ക് അംഗീകാരം നൽകി. 2725 എണ്ണം തള്ളിക്കളഞ്ഞെന്ന് മന്ത്രാലയം അറിയിച്ചു.
