അബുദാബി/ ഷാർജ: നബിദിനം പ്രമാണിച്ച് ഗൾഫ് രാജ്യങ്ങളിൽ അവധിയാണ്. 4 ദിവസത്തെ അവധിയാണ് പ്രഖ്യാപിച്ചിരിക്കുന്നത്. അവധി ദിനമായ വെള്ളിയാഴ്ച അബുദാബിയിൽ പാർക്കിങും ടോളും സൗജന്യമായിരിക്കുമെന്ന് അധികൃതർ അറിയിച്ചു. സംയോജിത ഗതാഗത കേന്ദ്രം ആണ് ഇക്കാര്യം അറിയിച്ചത്. പൊതു അവധി ദിവസങ്ങളിൽ മുസഫയിലെ എം–18ലെ പാർക്കിങ് കേന്ദ്രത്തിലും പാർക്കിങ് സൗജന്യമായിരിക്കും. നിരോധിത മേഖലകളിൽ ആരും വാഹനങ്ങൾ പാർക്ക് ചെയ്യരുത്. മാത്രമല്ല നിർത്തിയിട്ട മറ്റു വാഹനങ്ങൾക്ക് മാർഗ തടസ്സം ഉണ്ടാക്കും വിധത്തിൽ പാർക്കിങ് അനുവദിക്കില്ല.
താമസക്കാർക്ക് സംവരണം ചെയ്ത പാർക്കിങിൽ രാത്രി 9 മുതൽ രാവിലെ 8 വരെ പാർക്ക് ചെയ്യാൻ പാടില്ല. നിയമങ്ങൾ പാലിച്ച് മാത്രമേ പാർക്കിങ് അനുവദിക്കുകയുള്ളു. ഡാർബ് ടോൾ ഗേറ്റ് സംവിധാനം സൗജന്യമായിരിക്കുമെന്ന് അതോറിറ്റി അറിയിച്ചിട്ടുണ്ട്. ശനിയാഴ്ച ദിവസം സാധാരണ തിരക്കുള്ള സമയങ്ങളിൽ (രാവിലെ 7 മുതൽ 9 വരെയും വൈകുന്നേരം 5 മുതൽ 7 വരെയും) ടോൾ ഗേറ്റ് നിരക്കുകൾ പുനരാരംഭിക്കും.
താമസക്കാർക്ക് സംവരണം ചെയ്ത പാർക്കിങിൽ രാത്രി 9 മുതൽ രാവിലെ 8 വരെ പാർക്ക് ചെയ്യാൻ പാടില്ല. നിയമങ്ങൾ പാലിച്ച് മാത്രമേ പാർക്കിങ് അനുവദിക്കുകയുള്ളു. ഡാർബ് ടോൾ ഗേറ്റ് സംവിധാനം സൗജന്യമായിരിക്കുമെന്ന് അതോറിറ്റി അറിയിച്ചിട്ടുണ്ട്. ശനിയാഴ്ച ദിവസം സാധാരണ തിരക്കുള്ള സമയങ്ങളിൽ (രാവിലെ 7 മുതൽ 9 വരെയും വൈകുന്നേരം 5 മുതൽ 7 വരെയും) ടോൾ ഗേറ്റ് നിരക്കുകൾ പുനരാരംഭിക്കും.
