മസ്കറ്റ്: രാജ്യത്ത് അനധികൃതമായി ജോലി ചെയ്യുന്ന പ്രവാസികളെ കണ്ടെത്തുന്നതിന് വേണ്ടി ശക്തമായ നടപടിക്കെരുങ്ങി തൊഴിൽ മന്ത്രാലയം. ബിനാമി ഇടപാടുകൾ നടത്തുന്നവരെ കണ്ടെത്തുന്നതിന് വേണ്ടിയുള്ള പ്രവർത്തനങ്ങൾ നടത്തുന്നതിന് തുടങ്ങിയിട്ടുണ്ട്. പ്രവർത്തനങ്ങൾ മെച്ചപ്പെടുത്തുന്നതിനും അനുബന്ധ ജോലികൾ നിർവഹിക്കുന്നതിൽ കാര്യക്ഷമത വർധിപ്പിക്കുന്നതിനുമായി പരിശോധന യൂണിറ്റ് സ്ഥാപിക്കാൻ ആണ് തീരുമാനിച്ചിരിക്കുന്നത്. ഇതിന് വേണ്ടിയുള്ള കരാറിൽ തൊഴിൽ മന്ത്രാലയവും (എംഒഎൽ) സെക്യൂരിറ്റി ആൻഡ് സേഫ്റ്റി കോർപറേഷനും ചേർന്ന് ഒപ്പുവെച്ചു.
മന്ത്രാലയത്തിന്‍റെ ആസ്ഥാനത്ത് വെച്ചാണ് ചടങ്ങ് നടന്നത്. ചടങ്ങിൽ പങ്കെടുക്കാൻ വേണ്ടി തൊഴിൽ മന്ത്രി ഡോ. മഹദ് ബിൻ സഈദ് ബവോയ്നും സെക്യൂരിറ്റി ആൻഡ് സേഫ്റ്റി കോർപ്പറേഷൻ ഡയറക്ടർ ബോർഡ് ചെയർമാൻ മേജർ ജനറൽ അബ്ദുല്ല ബിൻ അലി അൽ ഹർത്തിയും എത്തിയിരുന്നു. ഇവർ രണ്ട് പേരും ആണ് കരാറിൽ ഒപ്പുവെച്ചത്.
സുരക്ഷാ സേവനങ്ങൾക്കൊപ്പം പരിശോധനാ ശ്രമങ്ങളെ ശക്തിപ്പെടുത്തുന്നതിനുള്ള സർക്കാർ നിർദേശങ്ങളുമായി കരാർ യോജിക്കുന്നുണ്ട്. നിയമങ്ങളും നിർദേശങ്ങളും അനുസരിക്കാത്ത സ്ഥാപനങ്ങൾക്കെതിരെ ശക്തമായ നടപടി സ്വീകരിക്കും. രേഖകളില്ലാത്ത തൊഴിൽ ചെയ്യുന്നവരെ കണ്ടെത്തുന്നതിനുള്ള പരിശോധ ശക്തമാക്കും. തൊഴിലാളികളെ സംബന്ധിച്ചുള്ള പൂർണ്ണ വിവരങ്ങൾ സ്ഥാപനങ്ങൾ സൂക്ഷിക്കണം. പരിശോധന കാമ്പയിനുകൾ തീവ്രമാക്കാനും പരിശോധനാ പ്രവർത്തനങ്ങൾക്ക് കൂടുതൽ ശക്തമാക്കാനും സാധിക്കുന്ന തരത്തിലുള്ള ഒരുക്കങ്ങൾ ആണ് ഇതിലൂടെ നടപ്പിലാക്കാൻ സാധിക്കുന്നത്.
സ്വകാര്യ മേഖലയിലെ കോഓഡിനേറ്റഡ് ഫീൽഡ് സന്ദർശനങ്ങളിലൂടെ പല തരത്തിലുള്ള ബന്ധം വളർത്തിയെടുക്കാൻ സാധിക്കുമെന്ന് തൊഴിൽ മന്ത്രാലയം ഡയറക്‌ടറേറ്റ് ജനറൽ ഓഫ് ലേബർ വെൽഫെയർ പ്രതിനിധി അറിയിച്ചു. തൊഴിൽ നിയമങ്ങൾ രാജ്യത്തെ വ്യക്തികൾ പാലിക്കുന്നുണ്ടോയെന്ന് കണ്ടെത്താൻ സാധിക്കും. മന്ത്രിതല തീരുമാനങ്ങൾ നടപ്പിലാക്കുകയും നിയമങ്ങളുടെ ലംഘനങ്ങൾ പരിഹരിക്കുകയും ചെയ്യുകയാണ് ഇതിലൂടെ ലക്ഷ്യം വെക്കുന്നത്.
ഒമാനി സമ്പദ്‌വ്യവസ്ഥയെ ശക്തിപ്പെടുത്തുകയും നിക്ഷേപങ്ങൾ ആകർഷിക്കുകയും ചെയ്യാൻ ഇതിലൂടെ സാധിക്കും. പരിശോധന ജോലികൾക്ക് കൂടുതൽ പ്രാധാന്യം നൽകിയാൽ രാജ്യത്തെന്റെ തൊഴിൽ നിയമവുമായി ബന്ധപ്പെട്ട കാര്യങ്ങൾ മെച്ചപ്പെടുത്താൻ ഇത് ഒരുപാട് സാധിക്കും. സെക്യൂരിറ്റി ആൻഡ് സേഫ്റ്റി കോർപറേഷനുമായുള്ള കരാർ ദേശീയ ലക്ഷ്യങ്ങളുമായി പൊരുത്തപ്പെടാൻ ഇതിലൂടെ സാധിക്കുമെന്ന് മന്ത്രി ഡോ. മഹദ് ബിൻ സഈദ് ബവോയ്ൻ പറഞ്ഞു. കരാർ തൊഴിൽ വിപണിയുടെ വികസനത്തിന് ഇത് ഒരുപാട് സഹായിക്കും. തൊഴിൽ അവസരങ്ങൾ കൂടുതലായി തുറക്കാനും ഇതിലൂടെ സാധിക്കുമെന്ന് തൊഴിൽ മന്ത്രി വ്യക്തമാക്കി.
