ദുബായ്∙ ബലിപെരുന്നാൾ ആഘോഷത്തിനിടെ മലയാളി യുവാവ് ദുബായിൽ അപകടത്തിൽ  മരിച്ചു. കോട്ടയം വേളൂര്‍ സ്വദേശി  ഐസക് പോള്‍ (29) ആണ് മരിച്ചത്.

ബലി പെരുന്നാൾ അവധി ദിനമായിരുന്ന ഇന്നലെ(വെള്ളി) ദുബായ് ജുമൈറ ബീച്ചില്‍ സ്‌കൂബ ഡൈവിങ്ങിനിടെ അപകടമുണ്ടാകുകയും തുടർന്ന് ഹൃദയാഘാതം സംഭവിക്കുകയുമായിരുന്നു. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

ഐസക്കിന്റെ ഭാര്യയും അവരുടെ സഹോദരൻ ഐവിനും അദ്ദേഹത്തോടൊപ്പം ഉണ്ടായിരുന്നെങ്കിലും അവർ അപകടത്തിൽ നിന്ന് രക്ഷപ്പെട്ടു. ഇരുവരും ഇപ്പോൾ ആശുപത്രിയിൽ ചികിത്സയിലാണ്.

യു.​എ.​ഇ ​പ്ര​സി​ഡ​ൻ​റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ മ​റ്റു പ്ര​മു​ഖ​ർ​ക്കൊ​പ്പം ശൈ​ഖ്​ സാ​യി​ദ്​ ഗ്രാ​ൻ​ഡ്​ മോ​സ്കി​ൽ ബലിപെരുന്നാൾ നമസ്കാരം നിർവഹിക്കുന്നു. 2) സു​പ്രീം​കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ശൈ​ഖ്​ സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി മ​റ്റു പ്ര​മു​ഖ​ർ​കൊ​പ്പം ഷാ​ർ​ജ മോ​സ്കി​ൽ ​ബ​ലി​പെ​രു​ന്നാ​ൾ ന​മ​സ്കാ​രം നി​ർ​വ​ഹി​ക്കു​ന്നു.3) ബ​ലി​പെ​രു​ന്നാ​ളി​നോ​ട്​ അ​നു​ബ​ന്ധി​ച്ച്​ അ​ബൂ​ദ​ബി​യി​ലെ അ​ൽ മു​ഷ്​​രി​ഫ്​ കൊ​ട്ടാ​ര​ത്തി​ൽ ന​ട​ന്നച​ട​ങ്ങി​ൽ യു.​എ.​ഇ സു​പ്രീം​കൗ​ൺ​സി​ൽ അം​ഗ​ങ്ങ​ളും വി​വി​ധ എ​മി​റേ​റ്റു​ക​ളി​ലെ ഭ​ര​ണാ​ധി​കാ​രി​ക​ളു​മാ​യ നേ​താ​ക്ക​ൾ യു.​എ.​ഇ ​പ്ര​സി​ഡ​ൻ​റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​നൊ​പ്പം.4) സു​പ്രീം​കൗ​ൺ​സി​ൽ അം​ഗ​വും ഉ​മ്മു​ൽ ഖു​വൈ​ൻ ഭ​ര​ണാ​ധി​കാ​രി​യു​മാ​യ ശൈ​ഖ്​ സൗ​ദ് ബി​ൻ റാ​ശി​ദ് അ​ൽ മു​അ​ല്ല എ​മി​റേ​റ്റി​ലെ അ​ൽ റാ​സ്​ മേ​ഖ​ല​യി​ലെ അ​ഹ​മ്മ​ദ്​ ബി​ൻ റാ​ശി​ദ്​ അ​ൽ മു​അ​ല്ല മോ​സ്കി​ൽ പെ​രു​ന്നാ​ൾ ന​മ​സ്കാ​രം നിർവഹിച്ചു.

ദുബായ്: സുസ്ഥിരവും ആരോഗ്യകരവുമായ ജീവിതശൈലിക്ക് പ്രോത്സാഹനം നൽകുന്നതിനുള്ള ലക്ഷ്യത്തോടെ, ലോക സൈക്കിൾ ദിനത്തിൽ ദുബായ് ഇമിഗ്രേഷൻ (GDRFA) മുഷ്റിഫ് നാഷണൽ പാർക്കിൽ സൈക്ലിംഗ് റാലി സംഘടിപ്പിച്ചു. 130-ലധികം ഉദ്യോഗസ്ഥരും റാലിയിൽ പങ്കാളികളായി.

മേധാവി ലഫ്റ്റനന്റ് ജനറൽ മുഹമ്മദ് അഹമ്മദ് അൽ മർറി നേതൃത്വം നൽകിയ പരിപാടിയിൽ, ദുബായ് ഗവൺമെൻറ് ഹ്യൂമൻ റിസോഴ്സസ് ഡയറക്ടർ ജനറൽ അബ്ദുള്ള ബിൻ സായിദ് അൽ ഫലാസി, യുഎഇ സൈക്ലിംഗ് ഫെഡറേഷൻ പ്രസിഡൻറ് എഞ്ചിനീയർ മൻസൂർ ബുസൈബ, സാമി അഹമ്മദ് അൽ ഖംസി എന്നിവർ ഉൾപ്പെടെ നിരവധി പ്രമുഖർ പങ്കെടുത്തു. വിവിധ അസിസ്റ്റൻറ് ഡയറക്ടർ ജനറർമാർ, ദേശീയ സൈക്ലിംഗ് ടീം അംഗങ്ങൾ തുടങ്ങിയവരും റാലിയിൽ സജീവമായി പങ്കെടുത്തു.

യുഎഇയുടെ 2031 വിഷൻ പ്രകാരമുള്ള പരിസ്ഥിതി സൗഹൃദ വികസനവും കാർബൺ ഉല്പാദനം കുറയ്ക്കുന്നതിനുള്ള ശ്രമങ്ങളുമായി ഈ പരിപാടി ഒത്തുപോകുന്നതാണെന്ന് അധികൃതർ വ്യക്തമാക്കി. ദുബായ് ഇമിഗ്രേഷൻ സുസ്ഥിരതാ കാഴ്ചപ്പാടിന്റെ ഭാഗമായാണ് ഈ സംരംഭം. ശാരീരിക ആരോഗ്യത്തെ പ്രോത്സാഹിപ്പിച്ച് ജീവനക്കാരെ ഉത്സാഹിപ്പിക്കുന്നതിലൂടെ, സ്ഥാപനത്തിന്റെ പ്രവർത്തനക്ഷമതയും സന്തുലിതത്വവും വര്‍ദ്ധിപ്പിക്കാമെന്ന് ലഫ്: ജനറൽ മുഹമ്മദ്‌ അഹ്‌മദ്‌ അൽ മർറി പറഞ്ഞു.

സമൂഹത്തിന് ക്ഷേമം ഉറപ്പാക്കുന്നതിന് ഇമിഗ്രേഷൻ പുലർത്തുന്ന പ്രതിബദ്ധതയുടെ അടയാളമാണ് ഈ സംരംഭമെന്നും, ഇത് ദുബായുടെ ആരോഗ്യപരവും സുസ്ഥിരവുമായ ജീവിതതത്വങ്ങളെ പിന്തുണയ്ക്കുന്നതുമാണെന്നും അധികൃതർ വ്യക്തമാക്കി