ആഗോള ഏവിയേഷൻ കൺസൾട്ടൻസി OAGയുടെ കണക്കനുസരിച്ച്, ലോകത്തിലെ ഏറ്റവും തിരക്കേറിയ വിമാനത്താവളം ദുബായ്ബായ് ഇന്റർനാഷണൽ എയർപോർട്ട് (DXB) 2024 ലെ ഏറ്റവും തിരക്കേറിയ അന്താരാഷ്ട്ര വിമാനത്താവളമായി 2025-ലേക്ക് കുതിച്ചുയരുകയാണ്, 60.236 മില്യൺ സീറ്റുകൾ (എയർലൈനുകൾ ) മുൻവർഷത്തെ അപേക്ഷിച്ച് 7 ശതമാനം വർദ്ധിച്ചിട്ടുണ്ട്.
പദവി നിലനിർത്തിക്കൊണ്ടുതന്നെ, 2019-ലെ പകർച്ചവ്യാധിക്ക് മുമ്പുള്ള വർഷവുമായി താരതമ്യം ചെയ്യുമ്പോൾ സീറ്റുകളുടെ എണ്ണത്തിൽ 12 ശതമാനം വർദ്ധനയാണ് വിമാനത്താവളം രേഖപ്പെടുത്തിയത്. 265 ലധികം ലക്ഷ്യസ്ഥാനങ്ങൾ പങ്കിട്ടുകൊണ്ട് ദുബായ് വിമാനത്താവളത്തിനെ ഉന്നത സ്ഥാനത്തെത്തിക്കാൻ എമിറേറ്റ്സും ഫ്ലൈദുബായും പിന്തുണച്ചിട്ടുണ്ട്

വിമാന യാത്ര ബുക്കിംഗിന് വന്‍ കിഴിവുകളും ആനുകൂല്യങ്ങളും പ്രഖ്യാപിച്ച് എയര്‍ ഇന്ത്യ. എയർ ഇന്ത്യയുടെ ഔദ്യോഗിക മൊബൈൽ ആപ്പ് ( ഐ.ഒ.എസ്, ആന്‍ഡ്രോയിഡ്) വഴി ബുക്ക് ചെയ്യുന്നവര്‍ക്കാണ് ഓഫറുകള്‍. വിമാന കമ്പനിയുടെ ആദ്യ ആപ്പ് ഫെസ്റ്റാണ് ഇത്.
ജനുവരി 21 രാത്രി 12 വരെ ആപ്പ് ഫെസ്റ്റില്‍ പങ്കെടുക്കാവുന്നതാണ്. യാത്ര ചെയ്യാവുന്ന തീയതികളില്‍ നിയന്ത്രണം ഏര്‍പ്പെടുത്തിയിട്ടില്ല. യാത്രക്കാർക്ക് നിരക്കുകളിൽ 20 ശതമാനം വരെ കിഴിവ് നേടാനുളള ഓഫറുകളാണ് വാഗ്ദാനം ചെയ്യുന്നത്.
പ്രൊമോ കോഡ്: എയർ ഇന്ത്യ മൊബൈൽ ആപ്പ് വഴി ബുക്ക് ചെയ്യുമ്പോൾ യാത്രക്കാർക്ക് ‘APPFEST’ എന്ന പ്രൊമോ കോഡ് നല്‍കാം, നിരക്കുകളിൽ 10 ശതമാനം വരെ കിഴിവ് ലഭിക്കുന്നതാണ്.

കൺവീനിയൻസ് ഫീ ഇല്ല: ആപ്പ് ഫെസ്റ്റിൻ്റെഭാഗമായി എയർ ഇന്ത്യ മൊബൈൽ ആപ്പ് ബുക്കിംഗിൽ കൺവീനിയൻസ് ഫീസ് ഒഴിവാക്കിയിട്ടുണ്ട്. ഇതുമൂലം ആഭ്യന്തര യാത്രകൾക്കുള്ള ബുക്കിംഗുകളിൽ കൺവീനിയൻസ് ഫീയുടെ 399 രൂപ ലാഭിക്കാം.

എയർ ഇന്ത്യയുടെ വെബ്സൈറ്റും മൊബൈൽ ആപ്പും ബാങ്കുകൾ നൽകുന്ന ഡെബിറ്റ്, ക്രെഡിറ്റ് കാർഡുകൾ, റുപേ കാർഡുകൾ, ഡിജിറ്റൽ പേയ്മെൻ്റ് വാലറ്റുകൾ എന്നിവയുൾപ്പെടെ ഒട്ടേറെ പേയ്മെൻ്റ് രീതികളെ പിന്തുണയ്ക്കുന്നു. വ്യത്യസ്‌ത ബാങ്കുകൾ നൽകുന്ന ഓഫറുകൾ താഴെ കൊടുക്കുന്നു. മൊബൈൽ ആപ്പിന് പുറമെ എയർ ഇന്ത്യയുടെ ഔദ്യോഗിക വെബ്സൈറ്റിലും ഈ ഓഫറുകൾ ലഭ്യമാണ്. ആപ്പ് ഫെസ്റ്റ് കോഡ് അല്ലെങ്കിൽ താഴെ കൊടുത്തിരിക്കുന്ന പേയ്മെന്റ്റ് ഓഫറുകളിൽ ഒന്ന് ഉപയോഗിച്ച് യാത്രക്കാർക്ക് കിഴിവുകളും ആനുകൂല്യങ്ങളും നേടാം.

യുഎഇയിലെ പ്രവാസികൾക്ക് സന്തോഷ വാർത്ത, യുഎഇ നിവാസികൾക്ക് സ്വന്തം സ്പോൺസർഷിപ്പിൽ ബന്ധുക്കളെയും സുഹൃത്തുക്കളെയും സന്ദർശക വിസയിൽ രാജ്യത്ത് കൊണ്ടുവരാം. ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്, കസ്റ്റംസ്, പോർട്ട് സെക്യൂരിറ്റി (ഐസിപി) യാണ് ഇക്കാര്യം വ്യക്തമാക്കിയത്. കൂടാതെ, 30, 60, 90 ദിവസ കാലാവധിയുള്ള വിസയിൽ കൊണ്ടുവരാനാണ് അനുമതിയെന്നും അധികൃതർ വ്യക്തമാക്കി. തുല്യകാലയളവിലേക്ക് പുതുക്കാനും സാധിക്കും. ഐസിപി വെബ്സൈറ്റ്, സ്മാർട്ട് ആപ്പ് എന്നിവയിലൂടെ അപേക്ഷിക്കാം. എന്നാൽ വിസ കാലാവധിക്ക് ശേഷം രാജ്യം വിടാത്തവർക്കെതിരെ പിഴ ചുമത്തുമെന്നും മുന്നറിയിപ്പ് നൽകിയിട്ടുണ്ട്.

അപേക്ഷിക്കേണ്ട വിധം

ഐസിപി വെബ്സൈറ്റിലോ മൊബൈൽ ആപ്പിലോ ഡിജിറ്റൽ ഐഡി (യുഎഇ പാസ്) ഉപയോഗിച്ച് ലോഗിൻ ചെയ്യുക. ശേഷം, വിസ ഓപ്ഷനിൽ ക്ലിക്ക് ചെയ്ത് സിംഗിൾ എൻട്രിയോ മൾട്ടിപ്പിൾ എൻട്രിയോ തിരഞ്ഞെടുക്കണം. പിന്നീട് വിസിറ്റ് എ റിലേറ്റീവ് ഓർ ഫ്രണ്ട് എന്ന ഓപ്ഷനിൽ ആവശ്യമുള്ള കാലാവധി തിരഞ്ഞെടുത്ത് വ്യക്തിഗത വിവരങ്ങൾ നൽകി ഫീസ് അടച്ചാൽ അപ്പോൾ തന്നെ ഡിജിറ്റലായി വിസ ലഭിക്കും. വ്യക്തിയുടെ പേരും വിലാസവും തെറ്റാതെ നൽകിയെന്ന് ഉറപ്പാക്കിയ ശേഷം മാത്രമേ അപേക്ഷ സമർപ്പിക്കാവൂ. അപേക്ഷകന് 6 മാസ കാലാവധിയുള്ള പാസ്പോർട്ട്, മടക്കയാത്രാ ടിക്കറ്റ്, ആരോഗ്യ ഇൻഷുറൻസ് എന്നിവ ഉണ്ടായിരിക്കണം. വീസ ഉടമ യുഎഇ പൗരന്റെയോ യുഎഇ വീസക്കാരന്റെയോ സുഹൃത്തോ ബന്ധുവോ ആയിരിക്കണം.