എല്ലാ വീട്ടിലും ഖുർആൻ’ കാമ്പെയ്ന് ദുബായ് കിരീടാവകാശിയും യുഎഇ ഉപപ്രധാനമന്ത്രിയും പ്രതിരോധ മന്ത്രിയുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം തുടക്കം കുറിച്ചു. ദുബായിലെ എല്ലാ വീടുകളിലും ഖുർആനിന്‍റെ പകർപ്പ് ഉണ്ടെന്ന് ഉറപ്പാക്കാനും മതപരമായ അവബോധം വളർത്താനുമാണ് ‘എല്ലാ വീട്ടിലും ഖുർആൻ’ കാമ്പെയ്ൻ തുടങ്ങിയതെന്ന് ഷെയ്ഖ് ഹംദാൻ വ്യക്തമാക്കി. സംരംഭത്തിന്‍റെ ഭാഗമായി, ദുബായിലുടനീളം കൂടുതൽ വിശ്വാസികളെത്തുന്ന നിരവധി പള്ളികളിൽ ഖുറാൻ പകർപ്പുകൾ വിതരണം ചെയ്യും. ഏഴ് ആഴ്ചയ്ക്കുള്ളിൽ ആരംഭിക്കുന്ന റമദാനിൽ ഖുറാൻ വാക്യങ്ങൾ പാരായണം ചെയ്യാൻ കുടുംബങ്ങളെ പ്രോത്സാഹിപ്പിക്കും.

കുടുംബബന്ധങ്ങൾ ശക്തിപ്പെടുത്തുന്നതിൽ ശ്രദ്ധ കേന്ദ്രീകരിച്ച് ‘മുഎസിൻ അൽ ഫ്രീജ്’ പദ്ധതിയുടെ രണ്ടാം സീസണിന് ഞായറാഴ്ച തുടക്കം കുറിച്ചു. യുവതലമുറകൾക്കിടയിൽ ദേശീയ സ്വത്വവും ഇസ്ലാമിക മൂല്യങ്ങളും പ്രോത്സാഹിപ്പിക്കുക എന്നതാണ് ലക്ഷ്യം. മസ്ജിദുകളുമായുള്ള കുട്ടികളുടെ ബന്ധം കൂടുതൽ ആഴത്തിലാക്കുക, സമൂഹത്തിൽ ഇടപഴകുക, അവരുടെ ആത്മീയ വളർച്ചയിൽ ശാശ്വതമായ മുദ്ര പതിപ്പിക്കുക എന്നിവയാണ് ഈ സംരംഭത്തിന്‍റെ രണ്ടാം പതിപ്പ് ലക്ഷ്യമിടുന്നതെന്ന് ഷെയ്ഖ് ഹംദാൻ പറഞ്ഞു. മുഅ്സിൻ അൽ ഫ്രീജിന്‍റെ രണ്ടാം സീസണിൽ പങ്കെടുക്കുന്ന പള്ളികളുടെ എണ്ണം 50% വർദ്ധിപ്പിക്കും.

റമദാൻ മാസത്തിൽ 6-14 വയസ് പ്രായമുള്ള കുട്ടികളെ കേന്ദ്രീകരിച്ച് പള്ളികളുമായുള്ള ബന്ധം ശക്തിപ്പെടുത്തുകയും തറാവീഹ് ഉൾപ്പെടയുള്ള അനുഷ്ഠാനങ്ങളിൽ പങ്കെടുക്കുക്കാൻ ശീലിപ്പിക്കുകയും ചെയ്യുക എന്നതാണ് ലക്ഷ്യം. യുവതലമുറയിൽ ദേശീയ വ്യക്തിത്വവും സാമൂഹിക മൂല്യങ്ങളും വളർത്തിയെടുക്കുന്നതിൽ കുടുംബത്തിന്‍റെ പങ്ക് വർദ്ധിപ്പിക്കാനുള്ള നേതൃത്വത്തിന്‍റെ കാഴ്ചപ്പാടിന് അനുസൃതമാണ് ഷെയ്ഖ് ഹംദാന്‍റെ നിർദ്ദേശങ്ങൾ. സാംസ്കാരികവും ദേശീയവുമായ അഭിമാനം, മാന്യമായ പെരുമാറ്റം, സമപ്രായക്കാർക്കിടയിലുള്ള സഹകരണം എന്നിവ പ്രോത്സാഹിപ്പിക്കുന്ന പരമ്പരാഗത എമിറാത്തി വസ്ത്രത്തിൽ പള്ളികളിൽ പങ്കെടുക്കാൻ ഇത് കുട്ടികളെ പ്രോത്സാഹിപ്പിക്കുന്നു. വിദ്യാഭ്യാസം, സ്വഭാവ രൂപീകരണം, സാമൂഹിക വികസനം എന്നിവയുടെ കേന്ദ്രമെന്ന നിലയിൽ മസ്ജിദുകളുടെ പങ്ക് എടുത്തുകാണിക്കുന്നതാണ് ഈ സംരംഭം.

ദിവസങ്ങളോളം നീണ്ടുനിൽക്കുന്ന ഫ്ലൂ, റെസ്പിറേറ്ററി സിൻസിറ്റിയൽ വൈറസ് (RSV) അണുബാധകൾക്കെതിരെ യുഎഇയിലെ ഡോക്ടർമാർ താമസക്കാർക്ക് മുന്നറിയിപ്പ് നൽകുന്നു.

ഈ വർഷം ഫ്‌ലൂ, ആർഎസ്‌വി വൈറസുകൾ നേരത്തെ എത്തിയിട്ടുണ്ടെന്നും മുൻ സീസണുകളേക്കാൾ കൂടുതൽ സജീവമാണെന്നും ഡോക്ടർമാർ ചൂണ്ടിക്കാട്ടുന്നു.
ആഗോളതലത്തിൽ നിരീക്ഷിക്കപ്പെടുന്ന കാലാവസ്ഥാ രീതികളിലെ കാര്യമായ വ്യതിയാനങ്ങളാണ് ഇതിന് കാരണം, “പ്രതിരോധശേഷിയിലെ മാറ്റങ്ങൾ, ഭക്ഷണ ശീലങ്ങൾ, ശരിയായ ജലാംശത്തിൻ്റെ അഭാവം, നല്ല ഉറക്കമില്ലായ്മ, വ്യായാമമില്ലായ്മ എന്നിവ കാരണം കൂടുതൽ ആളുകൾ രോഗികളാകുന്നു. അലർജി, സമ്മർദപൂരിതമായ ജീവിതം, വായുവിൻ്റെ ഗുണനിലവാരം, വിറ്റാമിനുകളുടെ അപര്യാപ്തത എന്നിവയാണ് മറ്റ് കാരണങ്ങൾ.

“മൈകോപ്ലാസ്മ ന്യുമോണിയ പോലുള്ള വിചിത്രമായ ബാക്ടീരിയ അണുബാധയ്‌ക്കൊപ്പം ഇൻഫ്ലുവൻസ എ, ബി എന്നിവയ്‌ക്കൊപ്പം നിരവധി കേസുകൾ പോസിറ്റീവ് ആണെന്ന് പരിശോധനയൽ തെളിയുന്നതായും ഡോക്ടർമാർ പറയുന്നു.

അബുദാബി റോഡുകളിൽ വാഹനമോടിക്കുന്നവർ ഇന്ന് കൂടുതൽ ജാഗ്രത പാലിക്കണം. ചിലയിടങ്ങളിൽ രാവിലെ 9.30 വരെ കനത്ത മൂടൽമഞ്ഞിന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. നാഷണൽ സെൻ്റർ ഓഫ് മെറ്റീരിയോളജി (NCM) റെഡ്, യെല്ലോ കാലാവസ്ഥാ മുന്നറിയിപ്പുകൾ പുറപ്പെടുവിച്ചു.

കൂടാതെ, അബുദാബിയിലും ഷാർജയിലും അതിരാവിലെ മഴ പെയ്യുമെന്ന് നാഷണൽ സെൻ്റർ ഓഫ് മെറ്റീരിയോളജി (NCM) റിപ്പോർട്ട് ചെയ്തതിനാൽ താമസക്കാർക്ക് സന്തോഷകരമായ ഒരു ദിവസത്തിനായി കാത്തിരിക്കാം. എമിറേറ്റുകളിൽ ഉടനീളം തണുത്ത താപനിലയും സുഖകരമായ കാലാവസ്ഥയും പ്രതീക്ഷിക്കുന്നു.

അതിരാവിലെ, ഡാൽമ ദ്വീപിലും റാസ് ഗുമൈസിലും നേരിയതോ മിതമായതോ ആയ മഴ പെയ്തു, റിപ്പോർട്ടുകൾ സൂചിപ്പിക്കുന്നത് മഴ പുലർച്ചെ 3 മണിയോടെ ആരംഭിച്ചതായി സൂചിപ്പിക്കുന്നു. ഒരു മണിക്കൂർ മുമ്പ്, പുലർച്ചെ 2 മണിയോടെ, അൽ ദഫ്ര മേഖലയിലെ അൽ ഗുവൈഫത്തിലും സമാനമായ കാലാവസ്ഥ അനുഭവപ്പെട്ടു. രാവിലെ 6:50 ഓടെ ഷാർജയിലെ എമിറേറ്റ്‌സ് റോഡിൽ ചെറിയ മഴ പെയ്തു.