പുതുവർഷാഘോഷത്തിന്‍റെ ഭാഗമായി ദുബായിലെ പൊതു ഗതാഗത സംവിധാനങ്ങളുടെ പുതിയ സമയക്രമം പ്രഖ്യാപിച്ച് ദുബായ് ആർടിഎ. ആഘോഷ വേളകളിലെ തിരക്ക് കണക്കിലെടുത്ത് പൊതുഗതാഗത സംവിധാനം ഉപയോഗിക്കാൻ പൊതുജനങ്ങളോട് ആർടിഎ അഭ്യർത്ഥിച്ചു.

ദുബായ് മെട്രോ, ട്രാം, ബസുകൾ, ഫെറികൾ എന്നിവയുടെ പ്രവർത്തന സമയം നീട്ടിയിട്ടുണ്ട്. ദുബായ് മെട്രോയും ട്രാമും 43 മണിക്കൂർ തുടർച്ചയായി സർവീസ് നടത്തും. ദുബായ് മെട്രോ ഡിസംബർ 31 ന് രാവിലെ 5 മണി മുതൽ ജനുവരി 1 അർദ്ധരാത്രി വരെ പ്രവർത്തിക്കും. ദുബായ് ട്രാം ഡിസംബർ 31 ന് രാവിലെ 6 മുതൽ ജനുവരി 2 പുലർച്ചെ 1 വരെ പ്രവർത്തിക്കും. 2025 ജനുവരി 1 ബുധനാഴ്ച ബഹുനില പാർക്കിംഗ് ഒഴികെ മറ്റെല്ലാ പൊതു പാർക്കിംഗ് മേഖലകളിലും പാർക്കിങ്ങ് സൗജന്യമായിരിക്കും. 2025 ജനുവരി 1 ബുധനാഴ്ച കസ്റ്റമർ ഹാപ്പിനസ് സെന്‍ററുകൾ പ്രവർത്തിക്കില്ല.2025-ലെ പുതുവത്സര അവധിക്കാലത്തെ ബസ് സമയങ്ങൾക്കായി, സുഹൈൽ ആപ്പ് പരിശോധിക്കണമെന്ന് ആർടിഎ നിർദേശിച്ചു. അൽ ഗുബൈബ ബസ് സ്റ്റേഷനിൽ നിന്നുള്ള E100 ബസ് റൂട്ട് 2024 ഡിസംബർ 31 മുതൽ 2025 ജനുവരി 1 വരെ താൽക്കാലികമായി നിർത്തിവയ്ക്കും.

ഈ കാലയളവിൽ ഇബ്ൻ ബത്തൂത്ത ബസ് സ്റ്റേഷനിൽ നിന്ന് അബുദാബിയിലേക്കുള്ള റൂട്ട് E101 ഉപയോഗിക്കണമെന്ന് ആർടിഎ നിർദേശിച്ചു. അൽ ജാഫിലിയ ബസ് സ്റ്റേഷനിൽ നിന്നുള്ള E102 ബസ് റൂട്ട് 2024 ഡിസംബർ 31 മുതൽ 2025 ജനുവരി 1 വരെ താൽക്കാലികമായി നിർത്തിവയ്ക്കും. ഈ കാലയളവിൽ ഇബ്ൻ ബത്തൂത്ത ബസ് സ്റ്റേഷനിൽ നിന്ന് ഷാബിയ മുസഫയിലേക്കുള്ള അതേ റൂട്ട് തന്നെ യാത്രക്കാർക്ക് ഉപയോഗിക്കാം.

പൾമനറി ആർട്ടീരിയൽ രക്തസമ്മർദമുള്ള രോഗികൾക്കായി വികസിപ്പിച്ച പുതിയ മരുന്നിന് അബുദാബി ആരോഗ്യവകുപ്പ് അംഗീകാരം നൽകി. ഓരോ മൂന്നാഴ്ചയിലൊരിക്കൽ നിർദ്ദിഷ്ട ഡോസുകളിൽ സബ്ക്യുട്ടേനിയസ് കുത്തിവയ്പ്പിലൂടെ നൽകുന്ന വിൻറെവെയർ എന്ന മരുന്ന് മെഡിക്കൽ മേൽനോട്ടത്തിൽ രോഗികൾക്കോ ​​പരിചാരകർക്കോ കൈകാര്യം ചെയ്യാൻ സാധിക്കും.

ശ്വാസകോശ രക്തക്കുഴലുകളിലെ കോശങ്ങളുടെ അമിതമായ വ്യാപനത്തെ തടയുകയാണ് ഈ ഔഷധം ചെയ്യുന്നത്. ഈ പ്രക്രിയ രക്തക്കുഴലിലെ സങ്കോചം കുറയ്ക്കുകയും രക്തയോട്ടം വർദ്ധിപ്പിക്കുകയും ഹൃദയത്തിന്‍റെ പ്രവർത്തനത്തിലുള്ള ബുദ്ധിമുട്ട് ലഘൂകരിക്കുകയും ചെയ്യുന്നു. എന്താണ് വിൻറെവേയർ?

പൾമണറി ആർട്ടീരിയൽ ഹൈപ്പർടെൻഷൻ (പിഎഎച്ച്) ഉള്ള മുതിർന്നവരിൽ വ്യായാമം ചെയ്യാനുള്ള കഴിവ് മെച്ചപ്പെടുത്താൻ ഉപയോഗിക്കുന്ന മരുന്നാണ് വിൻറെവേയർ. ഈ രോഗമുള്ളവർക്ക് ശ്വാസകോശത്തിലെ ധമനികളിൽ അസാധാരണമായ ഉയർന്ന രക്തസമ്മർദ്ദമുണ്ടാകും.

ഇത് ശ്വാസതടസം, ക്ഷീണം തുടങ്ങിയവക്ക് കാരണമാവുന്നു. പ്രമുഖ ആഗോള ബയോഫാർമസ്യൂട്ടിക്കൽ കമ്പനിയായ എം എസ് ഡി വികസിപ്പിച്ച വിൻറെവെയറിന്‍റെ ആദ്യ ബാച്ച് ഈ മാസം എത്തി.

യുഎസ് ഫുഡ് ആൻഡ് ഡ്രഗ് അഡ്മിനിസ്ട്രേഷനും യൂറോപ്യൻ മെഡിസിൻസ് ഏജൻസിയും അംഗീകരിച്ച ക്ലിനിക്കൽ പഠനങ്ങൾ പ്രകാരം വിൻറെവെയർ എന്ന മരുന്നിന്‍റെ ഉപയോഗം രോഗം മാരകമാകാനുള്ള സാധ്യത 84 ശതമാനം കുറയ്ക്കും.

രോഗികളുടെ ശരാശരി ആയുർദൈർഘ്യം പത്ത് വർഷത്തിലധികം വർദ്ധിപ്പിക്കാനുള്ള സാധ്യതയുണ്ടെന്നും പഠനങ്ങൾ സൂചിപ്പിക്കുന്നു. ആഗോള സ്ഥിതിവിവരക്കണക്കുകൾ അനുസരിച്ച് പൾമണറി ആർട്ടീരിയൽ ഹൈപ്പർടെൻഷൻ ഒരു ദശലക്ഷത്തിൽ 15 മുതൽ 60 വരെ ആളുകളെ ബാധിക്കുന്നു. രോഗികളിൽ 70 മുതൽ 80 ശതമാനം വരെ സ്ത്രീകളാണ്. 50 നും 65 നും ഇടയിൽ പ്രായമുള്ളവരിലാണ് ഈ രോഗം കൂടുതലായി കാണപ്പെടുന്നത്.

മുൻ പ്രധാനമന്ത്രി ഡോക്ടർ മൻ മോഹൻസിംഗിൻ്റെ വേർപാടിനെ തുടർന്ന് ഇന്ത്യൻ പ്രവാസികൾ ഈ വാരാന്ത്യത്തിൽ യുഎഇയിലുടനീളം നടത്താനുദ്ദേശിച്ചിരുന്ന ആഘോഷപരിപാടികളെല്ലാം മാറ്റിവെച്ചു.
ദർശന കലാസാംസ്കാരിക വേദിയുടെ ആഭിമുഖ്യത്തിൽ ഷാർജ ഇന്ത്യൻ അസോസിയേഷൻ ഹാളിൽ നടന്ന ക്രിസ്സ് മസ്സ് സ്നേഹ സംഗമം മൻമോഹൻ സിംഗിനെയും എം.ടി. വാസുദേവൻ നായരെയും അനുസ്മരിക്കുന്ന ചടങ്ങായി മാറി
സ്വാഗത പ്രാസംഗികൻ തൊട്ട് നന്ദി പറഞ്ഞ ആൾ വരെ മൻമോഹൻ സിംഗിനെയും എം.ടി.യെയും കുറിച്ചു മാത്രമാണ് സംസാരിച്ചത്.
ഇന്ത്യയിലെ കോടിക്കണക്കിനു പാവങ്ങളുടെ ജീവിതത്തെ ദാരിദ്രത്തിൽ നിന്ന് കൈ പിടിച്ച് കയറ്റിയ വിപ്ലവകരമായ തൊഴിലുറപ്പ് പദ്ധതി, വിവരാവകാശ നിയമം,വിദ്യാഭ്യാസ അവകാശ നിയമം, ഭക്ഷ്യ സുരക്ഷാ നിയമം,ചന്ദ്രയാൻ പദ്ധതി, മംഗളയാൻ പദ്ധതി, തുടങ്ങി എണ്ണിയാൽ ഒടുങ്ങാത്ത ജനക്ഷേമ പദ്ധതികൾ തുടക്കം കുറിച്ച പ്രഗൽഭനായ ഭരണാധികാരിയാണ് മൻമോഹൻ സിംഗ് എന്നും സമീപകാലത്ത് രാഷ്ട്രം നേരിട്ട ഏറ്റവും വലിയ നഷ്ടമാണ് അദ്ദേഹത്തിൻ്റെ വേർപാടെന്ന്
മഹാവന്ദ്യൻ റവ. യൗനാൻ മുളമൂട്ടിൽ കോർ എപ്പിസ്കോപ്പ് പറഞ്ഞു. ചടങ്ങ് ഉദ്ഘാടനവും ചെയ്തു പ്രാർത്ഥനയും അദ്ദേഹം നടത്തി.
ഇന്ത്യൻ അസോസിയേഷൻ പ്രസിഡണ്ട് നിസാർ തളങ്കര,
കേരള കാർഷിക കടാശ്വാസ ബോർഡ് അംഗം ടി.ജി.രവി, അക്കാഫ് പ്രസിഡന്റ് പോൾ ടി.ജോർജ്ജ്, ഷീലാ പോൾ, സാം വർഗീസ് ഷറഫുദ്ദീൻ വലിയകത്ത്, ഷാഫി അഞ്ചങ്ങാടി, വീണ ഉല്ലാസ്, ടി.പി. അഷ്റഫ്, കെ.വി. ഫൈസൽ, മുസ്തഫ കുറ്റിക്കോൽ, സി.പി. മുസ്തഫ എന്നിവർ പ്രസംഗിച്ചു.