പു​തു​വ​ത്സ​രാ​ഘോ​ഷം സു​ര​ക്ഷി​ത​മാ​ക്കാ​ന്‍ ഒ​രു​ക്ക​ങ്ങ​ൾ സ​ജ്ജ​മാ​ണെ​ന്ന് റാ​ക് പൊ​ലീ​സ് മേ​ധാ​വി അ​ലി അ​ബ്ദു​ല്ല അ​ല്‍വാ​ന്‍ അ​ല്‍ നു​ഐ​മി. പു​തു​വ​ര്‍ഷ സു​ര​ക്ഷാ മു​ന്നൊ​രു​ക്ക​ങ്ങ​ള്‍ വി​ല​യി​രു​ത്താ​ന്‍ റാ​ക് പൊ​ലീ​സ് ആ​സ്ഥാ​ന​ത്ത് ചേ​ര്‍ന്ന ഉ​ന്ന​ത ഉ​ദ്യോ​ഗ​സ്ഥ​രു​ടെ യോ​ഗ​ത്തി​ല്‍ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. ആ​ഘോ​ഷ പ​രി​പാ​ടി​ക​ളി​ല്‍ പ​ങ്കെ​ടു​ക്കു​ന്ന​വ​ര്‍ പ​രി​ധി വി​ടാ​തെ ശ്ര​ദ്ധി​ക്ക​ണ​മെ​ന്നും അ​ധി​കൃ​ത​ര്‍ നി​ർ​ദേ​ശി​ച്ചു. മ​ര്‍ജാ​ന്‍ ഐ​ല​ന്‍റ് കേ​ന്ദ്രീ​ക​രി​ച്ച് വി​പു​ല​മാ​യ ആ​ഘോ​ഷ പ​രി​പാ​ടി​ക​ളാ​ണ് റാ​ക് വി​നോ​ദ വ​കു​പ്പി​ന്റെ നേ​തൃ​ത്വ​ത്തി​ല്‍ പു​തു​വ​ര്‍ഷ​ത്ത​ലേ​ന്ന് ന​ട​ക്കു​ക. ഇ​വി​ടെ ന​ട​ക്കു​ന്ന ഗി​ന്ന​സ് റെ​ക്കോ​ഡ് വെ​ടി​ക്കെ​ട്ടി​നു​പു​റ​മെ ജ​ബ​ല്‍ ജെ​യ്സ്, ജ​ബ​ല്‍ യാ​ന​സ്, ക​ട​ല്‍ തീ​ര​ങ്ങ​ള്‍, പാ​ര്‍ക്കു​ക​ള്‍, മ​രു​ഭൂ​മി തു​ട​ങ്ങി​യ​വ കേ​ന്ദ്രീ​ക​രി​ച്ച് അ​നൗ​ദ്യോ​ഗി​ക ആ​ഘോ​ഷ​ങ്ങ​ളും റാ​സ​ല്‍ഖൈ​മ​യി​ല്‍ ന​ട​ക്കും.

മ​ര്‍ജാ​ന്‍ ഐ​ല​ന്‍റി​ലെ ആ​ഘോ​ഷ രാ​വ് സു​ര​ക്ഷി​ത​മാ​ക്കാ​ന്‍ പ​ഴു​ത​ട​ച്ച സു​ര​ക്ഷ​ക​ളാ​ണ് ഒ​രു​ക്കു​ന്ന​തെ​ന്ന് അ​ധി​കൃ​ത​ര്‍ വ്യ​ക്ത​മാ​ക്കി. കാ​റി​ലും ബൈ​ക്കി​ലു​മു​ള്ള പൊ​ലീ​സ് പ​ട്രോ​ളി​ങ്ങി​ന് പു​റ​മെ ഡ്രോ​ണ്‍ നി​രീ​ക്ഷ​ണ​ങ്ങ​ളും ഏ​ര്‍പ്പെ​ടു​ത്തും. ക​ഴി​ഞ്ഞ ദി​വ​സം തു​ട​ങ്ങി​യ പ്ര​ത്യേ​ക പ​ട്രോ​ള്‍ വി​ഭാ​ഗ​ത്തി​ന്റെ സേ​വ​ന-​നി​രീ​ക്ഷ​ണ​ങ്ങ​ള്‍ പു​തു​വ​ര്‍ഷാ​ഘോ​ഷം ക​ഴി​യു​ന്ന​തു​വ​രെ തു​ട​രും. 28,000 വാ​ഹ​ന​ങ്ങ​ള്‍ ഉ​ള്‍ക്കൊ​ള്ളാ​ന്‍ ക​ഴി​യു​ന്ന വി​ശാ​ല​മാ​യ പാ​ര്‍ക്കി​ങ് കേ​ന്ദ്ര​മാ​ണ് ജ​സീ​റ​യി​ല്‍ ഒ​രു​ക്കി​യി​ട്ടു​ള്ള​ത്. മു​ന്‍കൂ​ട്ടി ര​ജി​സ്റ്റ​ര്‍ ചെ​യ്യു​ന്ന വാ​ഹ​ന​ങ്ങ​ള്‍ക്ക് മാ​ത്ര​മാ​യി​രി​ക്കും പാ​ര്‍ക്കി​ങ് കേ​ന്ദ്ര​ത്തി​ലേ​ക്ക് പ്ര​വേ​ശ​നം.

ഡിസംബർ അവസാന ആഴ്ചകളിൽ രാജ്യത്തെത്തുന്ന വിനോദസഞ്ചാരികളുടെ തിരക്ക് ഫലപ്രദമായി കൈകാര്യം ചെയ്യുന്നതിന് ദുബൈ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് (ജി.ഡി.ആർ.എഫ്.എ) പൂർണ സജ്ജമാണെന്ന് മേധാവി ലഫ്റ്റനന്റ് ജനറൽ മുഹമ്മദ് അഹ്‌മദ്‌ അൽ മർറി. കഴിഞ്ഞ ദിവസം ശൈത്യകാല അവധിയുടെയും ക്രിസ്മസ് പുതുവർഷാഘോഷത്തിന്റെയും ഭാഗമായി രാജ്യത്ത് എത്തുന്ന യാത്രക്കാർക്ക് നൽകുന്ന സേവനങ്ങൾ വിലയൊരുത്താനുള്ള പരിശോധനകിടയിലാണ് അദ്ദേഹം ഇക്കാര്യം അറിയിച്ചത്.ദുബായ് എയർപോർട്ട് ജി ഡി ആർ എഫ് എ സെക്ടർ അസിസ്റ്റന്റ് ഡയറക്ടർ മേജർ ജനറൽ തലാൽ അൽ ശംഖിത്തി, ടെർമിനൽ 3 വിമാനത്താവളത്തിലെ പാസ്‌പോർട്ട് കൺട്രോൾ വകുപ്പ് ഡെപ്യൂട്ടി ഡയറക്ടർ ക്യാപ്റ്റൻ ജുമാ ബിൻ സുബൈഹ് തുടങ്ങിയവരും അദ്ദേഹത്തെ അനുഗമിച്ചിരുന്നു.

പരിശോധനയ്ക്കിടെ, യാത്രക്കാരുടെ നടപടിക്രമങ്ങൾ സുഗമമാക്കുന്നതിൽ പാസ്‌പോർട്ട് ഉദ്യോഗസ്ഥർ കാണിക്കുന്ന വലിയ ശ്രമങ്ങളെ ലഫ്റ്റനന്റ് ജനറൽ പ്രത്യേകം
അഭിനന്ദിച്ചു.ദുബായിലേക്ക് വരുന്ന എല്ലാ യാത്രക്കാർക്കും മികച്ച സേവനം നൽകാൻ ദുബൈ റെസിഡൻസി പൂർണമായും ഒരുങ്ങിയിരിക്കുന്നുവെന്ന് അദ്ദേഹം പറഞ്ഞു . സന്ദർശന വേളയിൽ കുട്ടികൾക്കായി പ്രത്യേകം ഒരുക്കിയിട്ടുള്ള പാസ്‌പോർട്ട് സ്റ്റാമ്പ് പ്ലാറ്റ്‌ഫോമിൽ അദ്ദേഹം കുട്ടികൾക്കൊപ്പം ചെലവഴിച്ചു കുരുന്നുകളുടെ അനുഭവങ്ങൾ അദ്ദേഹം ചോദിച്ചറിഞ്ഞു.യാത്രക്കാരുടെ ജീവിത നിലവാരം മെച്ചപ്പെടുത്തുകയും ലോകത്തെ മുൻനിര വിനോദസഞ്ചാര കേന്ദ്രമായി ദുബൈയുടെ സ്ഥാനം ഉയർത്തുകയും ചെയ്യുന്നതിനുള്ള തുടർച്ചയായ പ്രതിബദ്ധതയുടെ ഭാഗമാണ് ലഫ്റ്റനന്റ് ജനറലിന്റെ നേതൃത്വത്തിലുള്ള പരിശോധന പര്യടനമെന്ന് ദുബായ് ജി ഡി ആർ എഫ് എ അറിയിച്ചു

ദുബായിൽ വിനോദസഞ്ചാര സീസൺ തുടങ്ങിയതോടെ രാജ്യാന്തര സഞ്ചാരം ഒഴുക്കിന് പിന്നാലെയാണ് അവധിക്കാല യാത്രക്കായി പ്രവാസികളും എത്തുന്നത്. ഈ മാസം 13 മുതൽ ഡിസംബർ അവസാനം വരെ 5.2 ദശലക്ഷത്തിലധികം ആളുകൾ എയർപോർട്ട് ഉപയോഗിക്കുമെന്നാണ് പ്രതീക്ഷിക്കപ്പെടുന്നത്. അതുകൊണ്ടുതന്നെ ഈ വർഷം ദുബായിലൂടെയുള്ള യാത്രക്കാരുടെ എണ്ണത്തിൽ വലിയ വർദ്ധനവാണ് പ്രതീക്ഷിക്കുന്നത്.ഇവരുടെ യാത്ര നടപടികൾ അതിവേഗം പൂർത്തിയാക്കാൻ വിപുലമായ സൗകര്യങ്ങൾ ഡയറക്ടറേറ്റ് ഒരുക്കിയിട്ടുണ്ട്.കൂടുതൽ ഉദ്യോഗസ്ഥരുടെ സാന്നിധ്യവും അത്യാധുനിക സ്മാർട്ട്‌ സൗകര്യങ്ങളും ഒരുക്കി കൊണ്ട് കൂടുതൽ സേവന സംതൃപ്തി സമ്മാനിക്കാൻ ഇരിക്കുകയാണ് ജി ഡി ആർ എഫ് എ ഡി

തെക്കു കിഴക്കന്‍ ഏഷ്യന്‍ രാജ്യങ്ങളിലേക്ക് വ്യാജ തൊഴിലവസരങ്ങളുടെ പേരില്‍ മനുഷ്യക്കടത്ത്. ഇതിനെതിരെ നോര്‍ക്ക ജാഗ്രതാ നിർദ്ദേശം നൽകി. തെക്കു കിഴക്കന്‍ ഏഷ്യന്‍ രാജ്യങ്ങള്‍ കേന്ദ്രീകരിച്ച് സൈബര്‍ കുറ്റകൃത്യങ്ങള്‍ ഉള്‍പ്പെടുന്ന വ്യാജ ജോലികള്‍ വാഗ്ദാനം ചെയ്ത് പ്രവര്‍ത്തിക്കുന്ന മനുഷ്യക്കടത്ത് സംഘങ്ങളുടെ വലയില്‍ തൊഴില്‍ അന്വേഷകര്‍ വീഴരുതെന്നാണ് നോര്‍ക്കയുടെ ജാഗ്രതാ നിര്‍ദേശം. തായ്‌ലന്‍ഡ്, കമ്പോഡിയ, ലാവോസ്, മ്യാന്‍മര്‍, വിയറ്റ്‌നാം എന്നീ രാജ്യങ്ങള്‍ കേന്ദ്രീകരിച്ചാണ് തട്ടിപ്പ് സംഘങ്ങള്‍ പ്രവര്‍ത്തിക്കുന്നത്.

തട്ടിപ്പ് എങ്ങനെ

കോൾ സെന്റർ, ക്രിപ്റ്റോ കറൻസി, ബാങ്കിംഗ്, ഷെയർമാർക്കറ്റ്, ഹണിട്രാപ്പ്, ഓൺലൈൻ തട്ടിപ്പുകളിൽ ഏർപ്പെട്ടിരിക്കുന്ന വ്യാജ കമ്പനികളുടെ ഡിജിറ്റൽ സെയിൽസ് ആൻഡ് മാർക്കറ്റിംഗ് എക്സിക്യൂട്ടീവുകൾ അല്ലെങ്കിൽ കസ്റ്റമർ സപ്പോർട്ട് സർവീസ് പോലുള്ള തസ്തികകളിലേക്ക് സാമൂഹിക മാധ്യമങ്ങളിൽ പരസ്യങ്ങൾ നൽകിയും ഏജന്റുമാർ മുഖേനയുമാണ് തൊഴിൽ അന്വേഷകരെ കെണിയിൽ വീഴ്ത്തുന്നത്. ടെലികോളർ, ഡാറ്റാ എൻട്രി തുടങ്ങിയ ജോലികൾക്കായി വലിയ ശമ്പളവും ഹോട്ടൽ ബുക്കിംഗും റിട്ടേൺ എയർ ടിക്കറ്റുകളും വീസ സൗകര്യവും മറ്റ് ആനുകൂല്യങ്ങളും വാഗ്ദാനം ചെയ്‌താണ് ഇരകളെ വീഴ്ത്തുന്നത്. വ്യാജ സ്ഥാപനങ്ങളുമായി ബന്ധപ്പെട്ട ഏജന്റുമാർ ലളിതമായ അഭിമുഖവും ടൈപ്പിംഗ് ടെസ്റ്റും ഓൺലൈനായും ഓഫ് ലൈനായും നടത്തിയാണ് റിക്രൂട്ട് ചെയ്യുന്നത്.
ഇരകളെ നിയമവിരുദ്ധമായി തായ്ലൻഡിൽ നിന്ന് അതിർത്തി കടത്തി ലാവോസിലെ ഗോൾഡൻ ട്രയാംഗിൾ സ്പെഷ്യൽ ഇക്കണോമിക് സോണിലും കമ്പോഡിയ, മ്യാൻമർ, വിയറ്റ്നാം തുടങ്ങിയ അയൽരാജ്യങ്ങളിലും എത്തിച്ച് ബന്ദിയാക്കിയാണ് ഓൺലൈനായും ഫോൺ മുഖേനയുമുള്ള നിയമവിരുദ്ധ പ്രവർത്തനങ്ങൾ ചെയ്യിക്കുന്നത്. ഇതിനു പുറമേ ഖനനം, തടി ഫാക്ടറിയിലെ ജോലികൾ തുടങ്ങിയവയും ചെയ്യിക്കുന്നുണ്ട്. നിരന്തരമായ ശാരീരികവും മാനസികവുമായ പീഡനങ്ങൾക്കാണ് കെണിയിൽ വീഴുന്നവർ ഇരയാകുന്നത്. ഇത്തരത്തിൽ വളരെ ദുഷ്കരമായ സാഹചര്യങ്ങളിൽ ഈ രാജ്യങ്ങളിൽ കഴിഞ്ഞിരുന്ന നിരവധി പേരെ ഇന്ത്യൻ എംബസികൾ ഇടപെട്ട് രക്ഷപ്പെടുത്തിയിട്ടുണ്ട്.
ശ്രദ്ധിക്കേണ്ട കാര്യങ്ങൾ

തെക്കു കിഴക്കൻ ഏഷ്യൻ രാജ്യങ്ങളിലെ വീസ ഓൺ അറൈവൽ തൊഴിൽ അനുവദിക്കുന്നില്ല. ഇത്തരം വീസകളിൽ എത്തുന്ന ഇന്ത്യൻ പൗരന്മാർക്ക് ഈ രാജ്യങ്ങളിലെ അധികാരികൾ വർക്ക് പെർമിറ്റും നൽകുന്നില്ല. ടൂറിസ്റ്റ് വീസ വിനോദസഞ്ചാര ആവശ്യങ്ങൾക്കായി മാത്രമേ ഉപയോഗിക്കാവു. തൊഴിൽ ആവശ്യത്തിനായി തെക്കു കിഴക്കൻ ഏഷ്യൻ രാജ്യങ്ങൾ സന്ദർശിക്കാൻ ഉദ്ദേശിക്കുന്ന ഇന്ത്യൻ പൗരന്മാർ അംഗീകൃത ഏജൻ്റുമാർ മുഖേന മാത്രം അത് ചെയ്യണം. തൊഴിലുടമയുടെ പശ്ചാത്തലം നന്നായി പരിശോധിക്കണം. സോഷ്യൽ മീഡിയ പ്ലാറ്റ്ഫോമുകളിലൂടെയോ മറ്റ് സ്ഥിരീകരിക്കാത്ത സ്രോതസുകളിലൂടെയോ പ്രചരിക്കുന്ന വ്യാജ തൊഴിൽ ഓഫറുകൾ സ്വീകരിക്കരുത്. അതത് വിദേശ രാജ്യത്തെ ഇന്ത്യൻ എംബസി വഴി വിദേശ തൊഴിലുടമയുടെ വിശ്വാസ്യത പരിശോധിക്കണം. ഇന്ത്യയിലെ റിക്രൂട്ടിംഗ് ഏജന്റിനും കമ്പനിക്കും ലൈസൻസ് ഉള്ളതാണോയെന്ന് കേന്ദ്ര വിദേശകാര്യമന്ത്രാലയത്തിന്റെ ഇ-മൈഗ്രേറ്റ് പോർട്ടൽ മുഖേന പരിശോധിക്കാം.
സഹായത്തിനായി ഇന്ത്യൻ എംബസിയുമായി ബന്ധപ്പെടാം. തായ്‌ലാൻഡ്‌- എമർജൻസി മൊബൈൽ നമ്പർ:+66-618819218, ഇ-മെയിൽ: cons.bangkok@mea.gov.in. – എമർജൻസി മൊബൈൽ നമ്പർ: +855 92881676, -๑๙: cons.phnompenh@mea.gov.in, visa.phnompenh@mea.gov.in, . – മൊബൈൽ നമ്പർ- +9595419602 (WhatsApp/Viber/Signal), ๒-๑๙:

cons.yangon@mea.gov.in. ലാവോസ്- എമർജൻസി മൊബൈൽ നമ്പർ:+856-2055536568, ഇമെയിൽ:cons.vientianne@mea.gov.in.๒๐-എമർജൻസി മൊബൈൽ നമ്പർ: +84-913089165cons.hanoi@mea.gov.in/pptvisa.hanoi@mea.gov.in.