Tech
ഗൂഗിളിന്റെ നടപടിക്കെതിരെയുള്ള വിയോജിപ്പ് അറിയിക്കുകയും ഇത് അനുവദിക്കില്ലെന്ന് ഐടി മന്ത്രി അശ്വിനി വൈഷ്ണവ് വ്യക്തമാക്കിയതിന് പിന്നാലെയാണ് നടപടിയെന്നാണ് റിപ്പോര്ട്ടുകള്.
സര്വീസ് ഫീസ് പേയ്മെന്റുമായി ബന്ധപ്പെട്ടുണ്ടായ തര്ക്കത്തിന്റെ പേരില് ഗൂഗിള് ചില ആപ്പുകള് പ്ലേ സ്റ്റോറില് നിന്ന് നീക്കം ചെയ്തത് വാര്ത്തയായിരുന്നു. എന്നാലിപ്പോള് പ്ലേ സ്റ്റോറില് നിന്ന് നീക്കം ചെയ്ത ഇന്ത്യന് ആപ്പുകളില് ചിലത് പുനഃസ്ഥാപിച്ചിരിക്കുകയാണ് ഗൂഗിള്. കേന്ദ്രസര്ക്കാര് ഇടപെട്ടതോടെയാണ് കമ്പനി തീരുമാനം പിന്വലിച്ചത്. സംഭവം ചര്ച്ചയായതിന് പിന്നാലെ ബന്ധപ്പെട്ട കക്ഷികളുടെ യോഗം കേന്ദ്ര ഐടി മന്ത്രാലയം വിളിച്ചു ചേര്ത്തിരുന്നു. യോഗത്തില് ഗൂഗിളിന്റെ നടപടിക്കെതിരെയുള്ള വിയോജിപ്പ് അറിയിക്കുകയും ഇത് അനുവദിക്കില്ലെന്ന് ഐടി മന്ത്രി അശ്വിനി വൈഷ്ണവ് വ്യക്തമാക്കിയതിന് പിന്നാലെയാണ് നടപടിയെന്നാണ് റിപ്പോര്ട്ടുകള്.
നൗക്കരി, 99 ഏക്കേഴ്സ്, നൗക്കരി ഗള്ഫ് ഉള്പ്പടെയുള്ള ഇന്ഫോ എഡ്ജിന്റെ ആപ്പുകളാണ് ഗൂഗിള് തിരികെ എത്തിച്ചിരിക്കുന്നത്. പീപ്പിള്സ് ഗ്രൂപ്പിന്റെ ശാദിയും തിരിച്ചെത്തിയിട്ടുണ്ട്. വൈകാതെ മറ്റ് ആപ്പുകളും പ്ലേ സ്റ്റോറില് ലഭ്യമാകുമെന്നാണ് വിലയിരുത്തല്.
ഭാരത് മാട്രിമോണി, ഷാദി ഡോട്ട് കോം മാട്രിമോണി അടക്കം ഏതാനും ഇന്ത്യന് ആപ്പുകള്ക്കാണ് ഗൂഗിള് പ്ലേ സ്റ്റോര് നേരത്തെ വിലക്കേര്പ്പെടുത്തിയത്. പ്ലേ സ്റ്റോറില് നിന്ന് ഇവ പ്രയോജനമുണ്ടാക്കുന്നുണ്ടെന്നും എന്നിട്ടും ഇവരില് പലരും ഫീസ് അടക്കുന്നില്ലെന്നും കാട്ടിയാണ് ഗൂഗിള് നടപടി സ്വീകരിച്ചത്. 10 കമ്പനികള്ക്കെതിരെയായിരുന്നു നടപടി എടുത്തത്. ഭാരത് മാട്രിമോണി ആപ്പുകളുടെ മാതൃകമ്പനിയായ മാട്രിമോണി ഡോട്ട് കോം, ജീവന്സാതി പ്രവര്ത്തിപ്പിക്കുന്ന ഇന്ഫോ എഡ്ജ് എന്നിവയ്ക്കാണ് നോട്ടീസ് അയച്ചത്. പ്ലേ സ്റ്റോര് ചട്ടങ്ങള് ലംഘിച്ചതിനാണ് ആല്ഫബെറ്റ് ഇങ്ക് നോട്ടീസ് അയച്ചത്.
ആപ്പ് പ്ലേ സ്റ്റോറില് നിന്ന് നീക്കം ചെയ്തതിന് പിന്നാലെ മാട്രിമോണി ഡോട്ട് കോമിന്റെ ഓഹരികള് ഇടിഞ്ഞിരുന്നു. നിലവില് ഇന്ത്യയിലെ രണ്ട് ലക്ഷം ആപ്പുകളില് മൂന്ന് ശതമാനം ആപ്പുകള്ക്ക് മാത്രമാണ് സര്വീസ് ഫീ ചുമത്തിയിട്ടുള്ളതെന്നാണ് ഗൂഗിള് പറയുന്നത്.
Tech
ബഹിരാകാശ നിലയത്തിലേക്കുള്ള യാത്രക്കിടെ ബോയിംഗ് സ്റ്റാര്ലൈനര് പേടകത്തില് വീണ്ടും ഹീലിയം ചോര്ച്ച
അന്താരാഷ്ട്ര ബഹിരാകാശ നിലയത്തിലേക്കുള്ള യാത്ര തുടരുന്നതിനിടെ ബോയിംഗിന്റെ സ്റ്റാർലൈനർ പേടകത്തിൽ വീണ്ടും ഹീലിയം ചോർച്ച. വിക്ഷേപണത്തിന് മുമ്പ് തന്നെ തിരിച്ചറിയുകയും സുരക്ഷ പ്രശ്നമില്ലെന്ന് വിലയിരുത്തുകയും ചെയ്ത ഒരു ചോർച്ചയ്ക്ക് പുറമേ ആണ് ഇപ്പോള് രണ്ടിടത്ത് കൂടി ചോർച്ച കണ്ടെത്തിയത്. രണ്ട് ഹീലിയം വാൾവുകൾ പൂട്ടി പ്രശ്നം തൽക്കാലം പരിഹരിച്ചെന്നാണ് നാസ അറിയിച്ചിരിക്കുന്നത്.
നിലവിൽ യാത്രാപേടകം സുരക്ഷിതമാണ്. ഇന്ന് രാത്രി ഒമ്പതരയ്ക്ക് ശേഷമാകും പേടകം അന്താരാഷ്ട്ര ബഹിരാകാശനിലയത്തിലെത്തുക. ഇന്നലെ രാത്രി 8.22നായിരുന്നു വിക്ഷേപണം. ഇന്ത്യൻ വംശജയായ സുനിത വില്യംസും, അമേരിക്കൻ ബുച്ച് വിൽമോറുമാണ് സ്റ്റാർലൈനറിന്റെ ആദ്യ മനുഷ്യ ദൗത്യത്തിലെ യാത്രക്കാർ.
നേരത്തെയും പലതവണ ഹീലിയം ചോര്ച്ച കണ്ടെത്തിയതിനെ തുടര്ന്നും സാങ്കേതിക പ്രശ്നങ്ങളെ തുടര്ന്നും പലതവണ വിക്ഷേപണം മാറ്റിവെച്ചിരുന്നു. തുടര്ന്നാണ് ഇന്നലെ രാത്രി വിക്ഷേപണം നടന്നത്. വിക്ഷേപണത്തിന് പിന്നാലെ യാത്രക്കിടെയാണ് വീണ്ടും പേടകത്തില് ഹീലിയം ചോര്ച്ച കണ്ടെത്തിയത്. നിലവില് ആശങ്കപെടേണ്ട സാഹചര്യമില്ലെന്നാണ് നാസ അറിയിച്ചിരിക്കുന്നത്.
സാമൂഹ്യ മാധ്യമമായ എക്സിന്റെ കണ്ടന്റ് നിയമങ്ങളില് മാറ്റം വരുത്തി ഇലോണ് മസ്ക്. ഇനിമുതല് പ്രായപൂര്ത്തിയായവര്ക്ക് അനുയോജ്യമായ അഡള്ട്ട് ഉള്ളടക്കങ്ങളും ഗ്രാഫിക് ഉള്ളടക്കങ്ങളും പോസ്റ്റ് ചെയ്യാം. ലൈംഗികത വിഷയമായി വരുന്ന ഉള്ളടക്കങ്ങളാണ് അഡള്ട്ട് ഉള്ളടക്കങ്ങള്. അക്രമം, അപകടങ്ങള്, ക്രൂരമായ ദൃശ്യങ്ങള് പോലുള്ളവ ഉള്പ്പെടുന്നവയാണ് ഗ്രാഫിക് ഉള്ളടക്കങ്ങള്. സമ്മതത്തോടെ നിര്മിക്കുകയും വിതരണം ചെയ്യുകയും ചെയ്യുന്ന ലൈംഗികത വിഷയമായിവരുന്ന ഉള്ളടക്കങ്ങള് പങ്കുവെക്കാനും കാണാനും ഉപഭോക്താക്കള്ക്ക് സാധിക്കണം. അതാണ് തങ്ങള് ലക്ഷ്യംവെക്കുന്നതെന്ന് കമ്പനിയുടെ സപ്പോര്ട്ട് പേജിലെ അഡള്ട്ട് കണ്ടന്റ് പോളിസിയില് വ്യക്തമാക്കുന്നു.
പോണോഗ്രഫി കാണാന് ആഗ്രഹിക്കാത്ത കുട്ടികള്ക്കും മുതിര്ന്നവര്ക്കും എക്സില് അവ ദൃശ്യമാവില്ലെന്നും പേജില് പറയുന്നു. 18 വയസില് താഴെയുള്ള ഉപഭോക്താക്കള്ക്ക് വേണ്ടിയും പ്രായം വെളിപ്പെടുത്താത്തവര്ക്ക് വേണ്ടിയുമുള്ള പ്രത്യേക നയങ്ങളും കമ്പനിക്കുണ്ട്. ഉപഭോക്താവിനെ അസ്വസ്ഥമാക്കാനിടയുള്ള ഉള്ളടക്കങ്ങള്ക്കും നഗ്നത ഉള്പ്പെടുന്ന ഉള്ളടക്കങ്ങള്ക്കും എക്സില് ‘സെന്സ്റ്റീവ് കണ്ടന്റ്’ എന്ന ലേബല് നല്കാറുണ്ട്. പ്രായപൂര്ത്തിയായവരെ ദ്രോഹിക്കല്, ലൈംഗിക ചൂഷണം, സമ്മതമില്ലാതെ ചിത്രീകരിച്ചതും പങ്കുവെച്ചതുമായ ലൈംഗിക ഉള്ളടക്കങ്ങള് എന്നിവയും എക്സില് അനുവദിക്കില്ല.
ന്യൂയോര്ക്ക്: സ്മാര്ട്ട്ഫോണ് വിപണിയില് ഐഫോണ് പ്രേമികള് ഏറെക്കാലമായി കാത്തിരിക്കുന്ന ഒന്ന് ആപ്പിളിന്റെ ഫോള്ഡബിള് ഫോണാണ്. മടക്കിവെക്കാവുന്ന ഡിസ്പ്ലെകളുള്ള ഫോണുകള് വികസിപ്പിക്കാനുള്ള പ്രാഥമിക ഘട്ടത്തിലാണ് ആപ്പിള് എന്ന റിപ്പോര്ട്ടുകള് മുമ്പ് പുറത്തുവന്നിരുന്നു. ഇക്കാര്യം ആപ്പിള് കമ്പനി സ്ഥിരീകരിച്ചിട്ടില്ലെങ്കിലും ഫോള്ഡബിള് ഫോണുകള്ക്കായി പേറ്റന്റുകള്ക്ക് ആപ്പിള് അപേക്ഷ നല്കിയിട്ടുണ്ട്. എന്നാല് ആപ്പിളിന്റെ ഫോള്ഡബിള് ഐഫോണുകള് വിപണിയില് എത്താന് വൈകും എന്നാണ് പുതിയ റിപ്പോര്ട്ടുകള്.
സാംസങും വണ്പ്ലസും വിവോയുമെല്ലാം ഫോള്ഡബിള് ഫോണുകളുമായി വിപണിയില് സജീവമായിക്കഴിഞ്ഞു. ഇതിനെ മറികടക്കാന് ആപ്പിള് ഉടന് ഫോള്ഡബിള് ഫോണ് അവതരിപ്പിക്കും എന്നാണ് കരുതിയിരുന്നത്. എന്നാല് ആപ്പിളിന്റെ ആദ്യ ഫോള്ഡബിള് ഫോണ് 2027 വരെ വിപണിയിലെത്തില്ല എന്നാണ് മാര്ക്കറ്റ് റിസര്ച്ച് സംരഭമായ ട്രെന്ഡ്ഫോഴ്സ് റിപ്പോര്ട്ട് ചെയ്യുന്നത്. എന്നാല് ഫോള്ഡബിള് ഐഫോണ് മാര്ക്കറ്റില് വന് ചലനമുണ്ടാക്കും എന്ന കാര്യത്തില് സംശയമേതുമില്ല. മാര്ക്കറ്റില് ഫോള്ഡബിള് ഫോണ് ഇറക്കും മുമ്പ് സാങ്കേതികമായി ഏറ്റവും മികച്ച ഘടന അതിന് നല്കാനായി ആപ്പിള് ഗവേഷണത്തിലാണ് എന്നാണ് സൂചനകള്. ഏറ്റവും മികച്ച പെര്ഫോര്മന്സ് ഫോള്ഡബിള് ഫോണുകള്ക്കും ഉറപ്പുവരുത്താനുള്ള ശ്രമങ്ങളിലാണ് ആപ്പിള് കമ്പനി.
ഫോള്ഡബിള് ഐഫോണ് എത്താന് 2027 ആവും എന്ന് ട്രെന്ഡ്ഫോഴ്സിന്റെ റിപ്പോര്ട്ട് വ്യക്തമാക്കുന്നു. ആപ്പിളിന്റെ ഫോള്ഡബിള് ഫോണുകള് 2026ന്റെ ആദ്യപാദത്തില് എത്തും എന്ന വാര്ത്തകള് നേരത്തെയുണ്ടായിരുന്നു. 2027ന്റെ ആദ്യപാദത്തില് ആപ്പിള് ഈ സവിശേഷ ഫോണ് അവതരിപ്പിച്ചേക്കും. സാംസങ്, ഷവോമി, ഒപ്പോ, വിവോ എന്നിവയാണ് മടക്കാനാവുന്ന ഡിസ്പ്ലെയുള്ള സ്മാര്ട്ട്ഫോണുകളുമായി വിപണിയില് സജീവമായി ഉണ്ടായിരുന്നത്. എന്നാല് റേസര് 40, റേസര് 40 അള്ട്രാ എന്നിവയുമായി മോട്ടോറോള വിപണിയില് ഇപ്പോള് കരുത്തറിയിച്ചിരിക്കുകയാണ്.
യുഎഇ സാമ്പത്തിക, ടൂറിസം മന്ത്രി അബ്ദുല്ല ബിന് തൗഖ് അല് മര്റി ഹോട്ട്പാക്കിന്റെ നാഷണൽ ഇൻവെസ്റ്റ്മെന്റ് പാർക്ക് ഫാക്ടറി സന്ദർശിച്ചു
ഷാർജയിൽ കൊല്ലപ്പെട്ട കണ്ണൂർ സ്വദേശി ഇസ്മാഈലിന്റെ മൃതദേഹം ഇന്ന് നാട്ടിലേക്ക് കൊണ്ടുപോകും; മയ്യിത്ത് നമസ്കാരം വൈകുന്നേരം ഷാർജ ഫോറൻസിക്കിൽ
ഷാര്ജയില് കൊല്ലപ്പെട്ട കണ്ണൂര് പഴയങ്ങാടി സ്വദേശി ഇസ്മാഈലിന്റെ മൃതദേഹം നാട്ടിലെത്തിക്കാനുള്ള നടപടികള് പുരോഗമിക്കുന്നു
ലോക തൊഴിലാളി ദിനം: ഹോട്ട്പാക്കിന്റെ 1,500 ജീവനക്കാർ ദുബായ് മിറക്കിള് ഗാര്ഡനിൽ ഒത്തൊരുമിച്ചു
അച്ചരപ്പാക്കത്തുനിന്നും ദുബായിലേക്ക്; തനത് തമിഴ് രുചികളുമായി ‘മന്ന മെസ്’ ഇനി പ്രവാസികൾക്ക് മുന്നിൽ
-
World3 years ago
കപ്പലിൽ 15 ഇന്ത്യക്കാർ; തട്ടിക്കൊണ്ടുപോകൽ സൊമാലിയൻ തീരത്ത്, പിന്നാലെ കുതിച്ച് ഇന്ത്യൻ നാവികസേന
-
Gulf2 years ago
സൗദിയില് നിന്ന് കടലിനടിയിലൂടെ വൈദ്യുതി; സാങ്കേതിക പഠനം തുടങ്ങി ഇന്ത്യ
-
Gulf2 years ago
ഓവർസ്റ്റേ സംബന്ധിച്ച സോഷ്യൽ മീഡിയ വാർത്തകൾ തെറ്റ് : ജിഡിആർഎഫ്എ- ദുബായ് — ദുബായിലെ വിസ സംബന്ധമായ അന്വേഷണങ്ങൾക്ക് 8005111 നമ്പറിൽ വിളിക്കാം
-
Top News3 years ago
ഏപ്രിൽ മുതൽ എയർ ഇന്ത്യക്ക് ഏഴ് പുതിയ റൂട്ടുകൾ, അറിയേണ്ടതെല്ലാം
-
Gulf2 years ago
ഒമാനില് ജനങ്ങള് കൈകോര്ത്ത് മലകള്ക്കിടയിലൂടെ റോഡ് നിര്മിച്ചു; 450 കിലോമീറ്റര് യാത്ര 10 കിലോമീറ്ററായി കുറഞ്ഞു
-
Gulf2 years ago
ദുബായിലെ ബസപകടം; നഷ്ടപരിഹാരതുക ലഭിക്കില്ലെന്ന് പറഞ്ഞു നിയമസ്ഥാപനങ്ങൾ ഒഴിവാക്കിയ കേസിൽ സലാം പാപ്പിനിശ്ശേരിയുടെ ഇടപെടൽ ഫലം കണ്ടു. കോടതി ചിലവ് ഉൾപ്പെടെ 47 ലക്ഷം ഇന്ത്യൻ രൂപ (രണ്ടുലക്ഷത്തി ആറായിരം ദിർഹംസ് ) തുക നൽകാൻ ഉത്തരവ്
-
Business2 years ago
മിഡിൽ ഈസ്റ്റിൽ ചികിത്സാ ചെലവുകൾ കുറയ്ക്കാം; ആശുപത്രി വാസം ഒഴിവാക്കാൻ ആകും, ഒരു പുതു സംരംഭം
-
Tech2 years ago
ആ ‘ശല്യം’ ഇനി ഇന്സ്റ്റഗ്രാമിലും; പുതിയ നീക്കവുമായി മെറ്റ