Saudi Arabia
2015ലെ മക്ക ക്രെയിന് അപകടം: രണ്ട് കോടി റിയാല് ബിന് ലാദിന് കമ്പനി നല്കണം; ശിക്ഷ ശരിവച്ച് സുപ്രിംകോടതി
ജിദ്ദ: മക്ക മസ്ജിദുല് ഹറാമില് ക്രെയിന് തകര്ന്നുവീണ കേസില് നിര്മാണ കമ്പനിയായ സൗദി ബിന്ലാദിന് ഗ്രൂപ്പിനും കൃത്യനിര്വഹണത്തില് വീഴ്ച വരുത്തിയ ഉദ്യോഗസ്ഥര്ക്കുമെതിരായ കീഴ്ക്കോടി വിധി സുപ്രിംകോടതി ശരിവച്ചു. ബിന്ലാദിന് കമ്പനി രണ്ട് കോടി റിയാല് നഷ്ടപരിഹാരം നല്കണം. കുറ്റക്കാരായ എട്ട്് ഉദ്യോഗസ്ഥര്ക്ക് തടവുശിക്ഷയും വിധിച്ചു. ഇതോടെ സുപ്രിംകോടതി കേസ് അവസാനിപ്പിക്കുകയും ചെയ്തു.
മക്കയിലെ ക്രിമിനല് അപ്പീല് കോടതി കഴിഞ്ഞ ഫെബ്രുവരിയില് പുറപ്പെടുവിച്ച വിധിന്യായം സുപ്രിംകോടതി അംഗീകരിക്കുകയായിരുന്നു. നിര്മാണപ്രവര്ത്തനങ്ങള് നടക്കുന്ന സ്ഥലത്ത് പാലിക്കേണ്ട സുരക്ഷാ മുന്കരുതലുകള് പാലിക്കുന്നതില് കമ്പനി പരാജയപ്പെട്ടതായി നേരത്തേ വിദഗ്ധ അന്വേഷണത്തില് കണ്ടെത്തിയിരുന്നു. ഇക്കാര്യങ്ങള് പരിശോധിച്ച് ഉറപ്പുവരുത്താന് ബാധ്യതപ്പെട്ട ഉദ്യോഗസ്ഥരുടെ ഭാഗത്ത് വീഴ്ചയുണ്ടായെന്നും തെളിഞ്ഞു. അശ്രദ്ധയ്ക്കും സുരക്ഷാ നിയമങ്ങളുടെ ലംഘനത്തിനുമാണ് ശിക്ഷിച്ചത്.
2015 സെപ്തംബര് 11ന് ഹറം വിപുലീകരണ പദ്ധതിയില് ഉള്പ്പെട്ട ക്രെയിന് തകര്ന്ന് 108 പേര് മരിക്കുകയും 238 പേര്ക്ക് പരിക്കേല്ക്കുകയും ചെയ്തിരുന്നു. അപകടത്തില് മരിച്ചവരുടെ ബന്ധുക്കള്ക്ക് കമ്പനി ദിയാധനം നല്കേണ്ടതില്ലെന്ന് മക്കയിലെ ക്രിമിനല് അപ്പീല് കോടതി വ്യക്തമാക്കിയിരുന്നു. സൗദി ഭരണകൂടം ഇവര്ക്ക് നഷ്ടപരിഹാരം നല്കിയിരുന്നു. 2015ലെ ഹജ്ജ് കര്മങ്ങള് ആരംഭിക്കാന് ദിവസങ്ങള് ശേഷിക്കെഒരു വെള്ളിയാഴ്ച വൈകുന്നേരമാണ് ദുരന്തമുണ്ടായത്. ഹറം വികസനപ്രവര്ത്തനങ്ങള്ക്കായി സ്ഥാപിച്ചിരുന്ന കൂറ്റന് ക്രെയിന് കാറ്റില് നിലംപൊത്തുകയായിരുന്നു. മലയാളി ഹജ്ജ് തീര്ത്ഥാടകരും അപകടത്തില് മരിച്ചിരുന്നു.
എട്ട് വര്ഷത്തോളം നീണ്ട നിയമവ്യവഹാരങ്ങള്ക്കു ശേഷമാണ് സുപ്രിംകോടതി കേസ് അവസാനിപ്പിക്കുന്നത്. 2017 ഒക്ടോബര് ഒന്നിലെ വിധിയില്, അശ്രദ്ധക്കുറ്റം ചുമത്തപ്പെട്ട 13 പ്രതികളെയും ക്രിമിനല് കോടതി വെറുതെ വിട്ടിരുന്നു. മാനുഷിക പിഴവല്ല, കനത്ത മഴയും ഇടിമിന്നലും മൂലമാണ് ദുരന്തമുണ്ടായതെന്നും മക്ക കോടതി വിധിച്ചിരുന്നു.
2020 ഡിസംബറില് സൗദി ബിന്ലാദിന് ഗ്രൂപ്പ് ഉള്പ്പെടെ കേസിലെ 13 പ്രതികളെയും വെറുതെവിട്ടുകൊണ്ട് മക്ക ക്രിമിനല് കോടതി വിധി പുറപ്പെടുവിച്ചു. 2021 ഓഗസ്റ്റ് നാലിന് കേസിലെ എല്ലാ പ്രതികളെയും വെറുതെവിട്ട മക്ക ക്രിമിനല് കോടതിയുടെ വിധി അപ്പീല് കോടതിയും ശരിവച്ചു. പുതുതായി ഒന്നും കണ്ടെത്തിയിട്ടില്ലെന്ന് വ്യക്തമാക്കി മൂന്നു തവണയാണ് പ്രതികളെ വെറുതെവിട്ടിരുന്നത്.
2022 ജൂലൈയില് സൗദി സുപ്രീം കോടതി വിധി പുനഃപരിശോധിക്കാന് മക്ക ക്രിമിനല് കോടതിയോട് ആവശ്യപ്പെടുകയായിരുന്നു. ക്രിമിനല് കോടതിയും അപ്പീല് കോടതിയും പുറപ്പെടുവിച്ച എല്ലാ വിധികളും റദ്ദാക്കാക്കണമെന്നും എല്ലാ കേസുകളും പുതിയ ജുഡീഷ്യല് സര്ക്യൂട്ട് പുനഃപരിശോധിക്കണമെന്നും ആവശ്യപ്പെട്ടു. മുമ്പ് കേസ് പരിഗണിച്ച ജഡ്ജിമാരില് ആരെയും ബെഞ്ചില് ഉള്പ്പെടുത്തരുതെന്നും ഉത്തരവില് നിര്ദേശിച്ചിരുന്നു.
തുടര്ന്നുള്ള അന്വേഷണത്തിലാണ് ബിന്ലാദിന് കമ്പനി രണ്ട് കോടി റിയാല് നഷ്ടപരിഹാരം നല്കണമെന്നും പ്രതികളില് മൂന്ന് പേര്ക്ക് ആറ് മാസം തടവും 30,000 റിയാല് പിഴയും മറ്റ് നാല് പേര്ക്ക് മൂന്ന് മാസത്തെ തടവും 15,000 റിയാല് പിഴയും മക്ക കോടതി വിധിച്ചത്. ഇതാണ് ഇപ്പോള് ശരിവച്ച് സുപ്രിംകോടതി കേസ് നടപടികളില് അന്തിമ തീര്പ്പാക്കിയത്.
മിന: അടുത്ത വര്ഷത്തെ ഹജ്ജ് സീസണ് കൂടി കടുത്ത വേനല്ക്കാലത്തായിരിക്കുമെന്നും എന്നാല് അതിനു ശേഷം സ്ഥിതി മാറുമെന്നും സൗദി നാഷണല് മെറ്റീരിയോളജിക്കല് സെന്റര് (എന്എംസി) വക്താവ് ഹുസൈന് അല് ഖഹ്താനി. 2026ലെ ഹജ്ജ് സീസണ് കാലാവസ്ഥാ വ്യതിയാനത്തിന്റെ ഒരു പുതിയ ഘട്ടത്തിലേക്ക് പ്രവേശിക്കും. പിന്നീട് 17 വര്ഷത്തിന് ശേഷം മാത്രമേ ഹജ്ജ് സീസണില് വേനല്ക്കാലം തിരിച്ചെത്തൂ എന്നും അദ്ദേഹം പറഞ്ഞു.
2026 വര്ഷം ഹജ്ജ് സീസണില് വസന്തകാലത്തിന്റെ തുടക്കത്തെ അടയാളപ്പെടുത്തുമെന്ന് അല് ഖഹ്താനി പറഞ്ഞു. അടുത്ത എട്ടു വര്ഷത്തേക്ക് ഇതേനില തുടരും. തുടര്ന്നുള്ള എട്ടു വര്ഷം കൂടി ഹജ്ജ് തീര്ത്ഥാടനം ശൈത്യകാലത്ത് നടക്കും. 16 വര്ഷത്തിനു ശേഷമായിരിക്കും വീണ്ടും ഹജ്ജ് സീസണില് വേനല്ക്കാലം തിരിച്ചെത്തുക.
കാലാവസ്ഥാ വ്യതിയാനത്തെക്കുറിച്ച് ഗവേഷണം നടത്തുന്ന സൗദി ഷൂറ കൗണ്സില് അംഗം ഡോ. മന്സൂര് അല് മസ്റൂയിയും ഇക്കാര്യം ശരിവച്ചു. അടുത്ത വര്ഷത്തെ ഹജ്ജിനൊപ്പം വേനല്ക്കാല തീര്ഥാടത്തില് നിന്ന് ശനമാവുമെന്നും തുടര്ന്ന് തീര്ഥാടകരെ സംബന്ധിച്ചിടത്തോളം ആശ്വാസകരമായ കാലാവസ്ഥയിലായിരിക്കും ഹജ്ജ് നടക്കുകയെന്നും അദ്ദേഹം അറിയിച്ചു.
റിയാദ്: സൗദിയില് താപനില കൂടിവരുന്ന സാഹചര്യത്തില് ഉച്ച സമയത്തെ പുറം ജോലികള്ക്ക് നിരോധനമേര്പ്പെടുത്താന് തീരുമാനം. നിയമം ജൂണ് 15 മുതല് പ്രാബല്യത്തില് വരും. സെപ്റ്റംബര് 15 വരെ നിരോധനം തുടരുമെന്നും അധികൃതര് അറിയിച്ചു.
നാഷണല് കൗണ്സില് ഫോര് ഒക്യുപേഷണല് സേഫ്റ്റി ആന്ഡ് ഹെല്ത്തിന്റെ സഹകരണത്തോടെയാണ് മാനവ വിഭവശേഷി, സാമൂഹിക വികസന മന്ത്രാലയം പദ്ധതി നടപ്പിലാക്കുക. തൊഴിലാളികളുടെ സുരക്ഷിതത്വവുംഉറപ്പുവരുത്തുന്നതിനും സൂര്യതാപത്താലുണ്ടാവുന്ന ആരോഗ്യ പ്രശ്നങ്ങളില് നിന്ന് അവരെ സംരക്ഷിക്കുന്നതിനും, ആഗോള തൊഴില് സുരക്ഷയ്ക്കും ആരോഗ്യ മാനദണ്ഡങ്ങള്ക്കും അനുസൃതമായി ആരോഗ്യകരവും സുരക്ഷിതവുമായ തൊഴില് അന്തരീക്ഷം പ്രദാനം ചെയ്യുന്നതിനും ലക്ഷ്യമിടുന്നതാണ് ഈ തീരുമാനമെന്ന് മന്ത്രാലയം പ്രസ്താവനയില് വ്യക്തമാക്കി. ഈ തീരുമാനത്തിന് അനുസൃതമായി തൊഴില് സമയം ക്രമീകരിക്കാന് തൊഴിലുടമകളോട് മന്ത്രാലയം അഭ്യര്ത്ഥിച്ചു.
കനത്ത ചൂടില് ജോലി ചെയ്യുന്ന തൊഴിലാളികളുടെ സുരക്ഷയും ആരോഗ്യവും ഉറപ്പുവരുത്തുന്നതിന് കൈക്കൊള്ളേണ്ട നടപടികള് വിശദമാക്കുന്ന പ്രത്യേക മാര്ഗനിര്ദ്ദേശങ്ങള് അടങ്ങിയ ഗൈഡ് മന്ത്രാലയത്തിന്റെ വെബ്സൈറ്റില് പ്രസിദ്ധീകരിച്ചിട്ടുണ്ട്. അതിലെ നിര്ദ്ദേശങ്ങള് പാലിക്കാന് എല്ലാവരും തയ്യാറാവണമെന്നും മന്ത്രാലയം ആഹ്വാനം ചെയ്തു. നിയമങ്ങള് പാലിക്കപ്പെടുന്നുവെന്ന് ഉറപ്പാക്കാന് സുരക്ഷാ ഏജന്സികളുടെ നേതൃത്വം പരിശോധന നടത്തുകയും നിയമം ലംഘിക്കുന്നവര്ക്കെതിരേ നടപടി സ്വീകരിക്കുകയും ചെയ്യും. ഇത്തരത്തില് നിയമം ലംഘിച്ച് നേരിട്ടുള്ള സൂര്യപ്രകാശത്തില് ഉച്ച സമയത്ത് ജോലി ചെയ്യിക്കുന്ന സംഭവങ്ങള് ശ്രദ്ധയില്പ്പെട്ടാല് അക്കാര്യം മന്ത്രാലയത്തിന്റെ ഏകീകൃത നമ്പറിലോ (19911) സ്മാര്ട്ട്ഫോണുകളില് ലഭ്യമായ മന്ത്രാലയത്തിന്റെ ആപ്പ് വഴിയോ അറിയിക്കണമെന്നും അധികൃതര് പറഞ്ഞു.
സൗദി അറേബ്യയുടെ വിവിധ ഭാഗങ്ങളില് കനത്ത ചൂടാണ് കഴിഞ്ഞ ഏതാനും ദിവസങ്ങളിലായി അനുഭവപ്പെടുന്നത്. കിഴക്കന് പ്രവിശ്യയില് താപനില 48 ഡിഗ്രി സെല്ഷ്യസ് കടന്നു. റിയാദിലും മക്ക, മദീന നഗരങ്ങളിലും ചൂട് ശക്തമായി. രാജ്യത്തെ മറ്റു നഗരങ്ങളിലും ചൂടിന് ശക്തിയേറിയിട്ടുണ്ട്. റിയാദ്, മക്ക, മദീന നഗരങ്ങളിലും കനത്ത ചൂടാണ് അനുഭവപ്പെടുന്നത്. 45 മുതല് 47 ഡിഗ്രി വരെയാണ് ഇവിടങ്ങളിലെ താപനില. ഇത്തവണ വേനല് കടുക്കുമെന്ന് കാലാവസ്ഥാ നിരീക്ഷണ കേന്ദ്രം നേരത്തെ മുന്നറിയിപ്പ് നല്കിയിരുന്നു. അതേസമയം, വടക്കന് അതിര്ത്തി പ്രദേശങ്ങളില് തണുത്ത കാറ്റിനും ഇടിമിന്നലോട് കൂടിയ മഴക്കും സാധ്യതയുള്ളതായും അല് ജൗഫ് ഭാഗങ്ങളില് പൊടിയോട് കൂടിയ ചുടുകാറ്റ് അടിച്ചുവീശുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
മക്ക: ഇസ്രായേലുമായി പോരാട്ടം തുടരുന്ന ഗാസയിലെ യുദ്ധത്തിനിടെ രക്തസാക്ഷികളായവരുടെയും പരിക്കേറ്റവരുടെയും കുടുംബങ്ങളില് നിന്നുള്ള 1,000 പലസ്തീന് തീര്ത്ഥാടകര് സൗദി ഭരണാധികാരി സല്മാന് രാജാവിന്റെ പ്രത്യേക അതിഥികളായി ഹജ്ജ് തീര്ഥാടനത്തിനെത്തും.
നിലവിലെ സാഹചര്യത്തില് ഗാസയില് നിന്ന് ഹജ്ജ് കര്മത്തിനായി സൗദി അറേബ്യയിലെത്തുകയെന്നത് അത്ര എളുപ്പമുളള കാര്യമല്ല. എന്നാല് അസാധാരണ നടപടികളിലൂടെ അവര്ക്ക് ഹജ്ജിന് അവസരമൊരുക്കുക എന്നതാണ് ‘ഗാസ്സ മുനമ്പിലെ രക്തസാക്ഷികളുടെയും പരിക്കേറ്റവരുടെയും കുടുംബങ്ങളില് നിന്നുള്ള തീര്ത്ഥാടകര്ക്ക് ആതിഥേയത്വം വഹിക്കാനുള്ള ഒരു സംരംഭം’ എന്ന പേരിലുള്ള ഈ രാജകീയ നടപടിയിലൂടെ ലക്ഷ്യമിടുന്നത്. ഇവര് ഉള്പ്പെടെ 2000 പേരാണ് ഹജ്ജ് തീര്ഥാടനത്തിനായി ഇത്തവണ പലസ്തീനില് നിന്ന് എത്തിച്ചേരുക.
രാജാവിൻ്റെ അതിഥികളായി ലോകത്തിൻ്റെ വിവിധ ഭാഗങ്ങളിൽ നിന്നുള്ള തീർത്ഥാടകരെ എത്തിക്കുന്ന പദ്ധതിയുടെ ഭാഗമായാണ് ഇത്. ഇസ്ലാമിക കാര്യ മന്ത്രാലയത്തിൻ്റെ നേതൃത്വത്തിലാണ് പദ്ധതി നടപ്പിലാക്കുന്നത്. ഈ അസാധാരണമായ ആതിഥേയത്വം ഗസ മുനമ്പില് പലസ്തീന് ജനത അനുഭവിക്കുന്ന ത്യാഗപൂർണ്ണമായ ജീവിതത്തിനിടയിൽ ആശ്വാസവും സാന്ത്വനവുമാണെന്ന് ഇസ്ലാമിക കാര്യ മന്ത്രിയും പ്രോഗ്രാമിന്റെ ജനറല് സൂപ്പര്വൈസറുമായ ശെയ്ഖ് അബ്ദുല്ലത്തീഫ് അല് ശെയ്ഖ് പറഞ്ഞു. രാജ്യം പലസ്തീന് ജനതയ്ക്കൊപ്പമാണെന്ന പ്രഖ്യാപനം കൂടിയാണിത്. ഇതുമായി ബന്ധപ്പെട്ട രാജകീയ ഉത്തരവ് പുറപ്പെടുവിച്ചതുമുതല്, പലസ്തീനില് നിന്നുള്ള രക്തസാക്ഷികളുടെയും പരിക്കേറ്റവരുടെയും കുടുംബങ്ങളെ രാജാവിന്റെ അതിഥികളായി സ്വീകരിക്കാന് മന്ത്രാലയം ഒരുക്കങ്ങള് നടത്തിയിട്ടുണ്ടെന്നും നിരവധി കമ്മിറ്റികള് മുഖേന അതിനുള്ള പദ്ധതി തയ്യാറാക്കിയിട്ടുണ്ടെന്നും അല് ശെയ്ഖ് ചൂണ്ടിക്കാട്ടി.
അതിനിടെ, നിലവിലെ ഹജ്ജ് സീസണില് തീര്ഥാടകരെ സ്വീകരിക്കുന്നതിനായി ഒരുക്കിയ സജ്ജീകരണങ്ങൾ വിലയിരുത്താൻ മക്ക ഡെപ്യൂട്ടി അമീര് സൗദ് ബിന് മിഷാല് രാജകുമാരന് വിശുദ്ധ സ്ഥലങ്ങളിലെ നിരവധി കേന്ദ്രങ്ങളിൽ പരിശോധന നടത്തി.
ഈ ഹജ്ജ് സീസണില് തീര്ഥാടകരെ പുണ്യസ്ഥലങ്ങള്ക്കിടയില് എത്തിക്കുന്നതിനുള്ള മശാഇര് ട്രെയിനിന്റെ ഒരുക്കങ്ങൾ പരിശോധിച്ചാണ് സൗദി രാജകുമാരന് സന്ദര്ശനം ആരംഭിച്ചത്. ഈ വര്ഷത്തെ ഹജ്ജ് വേളയിൽ പ്രധാന കർമങ്ങൾ നടക്കുന്ന ഏഴ് ദിവസങ്ങൾക്കിടയിൽ 2000-ലധികം ട്രിപ്പുകളിലൂടെ രണ്ട് ദശലക്ഷത്തിലധികം യാത്രക്കാരെ എത്തിക്കാനാണ് മശായിർ ട്രെയിൻ ലക്ഷ്യമിടുന്നത്. സ്റ്റേഷനിലെ തിരക്ക് നിയന്ത്രിക്കുന്നതിനുള്ള പ്രത്യേക സംവിധാനവും അദ്ദേഹം വിലയിരുത്തി.
ഈസ്റ്റ് അറഫാത്ത് ഹോസ്പിറ്റല് സന്ദര്ശിച്ച അദ്ദേഹം അത്യാഹിത വിഭാഗം, ഐസൊലേഷന് റൂമുകള്, ക്ലിനിക്കുകള്, തീവ്രപരിചരണ വിഭാഗങ്ങള്, ഓപ്പറേഷന് റൂമുകള്, ഹീറ്റ് സ്ട്രോക്ക് ട്രീറ്റ്മെന്റ് യൂണിറ്റുകള് എന്നിവയുള്പ്പെടെ നിരവധി ഡിപ്പാര്ട്ട്മെന്റുകളിലെ സജ്ജീകരണങ്ങൾ അവലോകനം ചെയ്തു. ആകെ 405 കിടക്കകളാണ് ആശുപത്രിക്കുള്ളത്.
കിദാന ഡെവലപ്മെന്റ് കമ്പനിയുടെ മേല്നോട്ടത്തില് ആഫ്രിക്കന് അറബ് ഇതര രാജ്യങ്ങളില് നിന്നുള്ള തീര്ഥാടകര്ക്കായി കമ്പനി ഓഫ് മുതവിഫ്സ് നടപ്പിലാക്കുന്ന അറഫാത്ത് ക്യാമ്പ് ഡെവലപ്മെന്റ് പ്രോജക്റ്റ് ഡെപ്യൂട്ടി അമീര് പരിശോധിച്ചു. തീര്ഥാടകരുടെ സൗകര്യങ്ങള് വര്ധിപ്പിക്കുന്നതിനും പുണ്യസ്ഥലങ്ങളിലെ ശേഷി വര്ധിപ്പിക്കുന്നതിനുമായി പുണ്യസ്ഥലങ്ങളിലെ ഇടം പരമാവധി പ്രയോജനപ്പെടുത്തുക, സേവന നിലവാരം വര്ധിപ്പിക്കുക, പുതിയ നൂതന സേവനങ്ങള് ഏര്പ്പെടുത്തുക എന്നിവയിലൂടെ തീര്ഥാടക സേവനത്തെ പുഷ്ടിപ്പെടുത്തുകയാണ് പദ്ധതി ലക്ഷ്യമിടുന്നത്.
കൂടാതെ, 70,000 ചതുരശ്ര മീറ്റര് വിസ്തൃതിയുള്ളതും 60,000 തീര്ഥാടകര്ക്ക് സഞ്ചരിക്കാവുന്നതുമായ മുസ്ദലിഫയുടെ കാല്നട പാതയുടെ ആദ്യ ഘട്ടം അദ്ദേഹം അവലോകനം ചെയ്തു. പദ്ധതിയില് 10,000 ചതുരശ്ര മീറ്റര് ഹരിത ഇടങ്ങളും കാല്നട നടപ്പാതകളുടെ തണുപ്പിക്കല്, കാലാവസ്ഥാ നിയന്ത്രണം, പ്രായമായവര്ക്കും പ്രത്യേക ആവശ്യക്കാര്ക്കും വേണ്ടിയുള്ള കാല്നട പാതകള്, ഗോള്ഫ് കാര്ട്ട് പാതകള്, സേവന മേഖലകള്, വാണിജ്യ കിയോസ്കുകള് എന്നിവയും ഉള്പ്പെടുന്നു.
50 കിടക്കകളുള്ളതും തീര്ഥാടകര്ക്ക് ആവശ്യമായ മെഡിക്കല് സേവനങ്ങള് നല്കുന്നതുമായ പ്രതിരോധ മന്ത്രാലയത്തിന്റെ കീഴിലുള്ള മുസ്ദലിഫയിലെ മൊബൈല് ഫീല്ഡ് ഹോസ്പിറ്റലും ഡെപ്യൂട്ടി അമീര് സന്ദര്ശിച്ചു. പര്യടനത്തിനൊടുവില്, കമ്മ്യൂണിക്കേഷന്സ് ആന്ഡ് ഇന്ഫര്മേഷന് ടെക്നോളജി മന്ത്രി പങ്കെടുത്ത യോഗത്തില് സൗദ് രാജകുമാരന് അധ്യക്ഷത വഹിച്ചു.
യുഎഇ സാമ്പത്തിക, ടൂറിസം മന്ത്രി അബ്ദുല്ല ബിന് തൗഖ് അല് മര്റി ഹോട്ട്പാക്കിന്റെ നാഷണൽ ഇൻവെസ്റ്റ്മെന്റ് പാർക്ക് ഫാക്ടറി സന്ദർശിച്ചു
ഷാർജയിൽ കൊല്ലപ്പെട്ട കണ്ണൂർ സ്വദേശി ഇസ്മാഈലിന്റെ മൃതദേഹം ഇന്ന് നാട്ടിലേക്ക് കൊണ്ടുപോകും; മയ്യിത്ത് നമസ്കാരം വൈകുന്നേരം ഷാർജ ഫോറൻസിക്കിൽ
ഷാര്ജയില് കൊല്ലപ്പെട്ട കണ്ണൂര് പഴയങ്ങാടി സ്വദേശി ഇസ്മാഈലിന്റെ മൃതദേഹം നാട്ടിലെത്തിക്കാനുള്ള നടപടികള് പുരോഗമിക്കുന്നു
ലോക തൊഴിലാളി ദിനം: ഹോട്ട്പാക്കിന്റെ 1,500 ജീവനക്കാർ ദുബായ് മിറക്കിള് ഗാര്ഡനിൽ ഒത്തൊരുമിച്ചു
അച്ചരപ്പാക്കത്തുനിന്നും ദുബായിലേക്ക്; തനത് തമിഴ് രുചികളുമായി ‘മന്ന മെസ്’ ഇനി പ്രവാസികൾക്ക് മുന്നിൽ
-
World3 years ago
കപ്പലിൽ 15 ഇന്ത്യക്കാർ; തട്ടിക്കൊണ്ടുപോകൽ സൊമാലിയൻ തീരത്ത്, പിന്നാലെ കുതിച്ച് ഇന്ത്യൻ നാവികസേന
-
Gulf2 years ago
സൗദിയില് നിന്ന് കടലിനടിയിലൂടെ വൈദ്യുതി; സാങ്കേതിക പഠനം തുടങ്ങി ഇന്ത്യ
-
Gulf2 years ago
ഓവർസ്റ്റേ സംബന്ധിച്ച സോഷ്യൽ മീഡിയ വാർത്തകൾ തെറ്റ് : ജിഡിആർഎഫ്എ- ദുബായ് — ദുബായിലെ വിസ സംബന്ധമായ അന്വേഷണങ്ങൾക്ക് 8005111 നമ്പറിൽ വിളിക്കാം
-
Top News3 years ago
ഏപ്രിൽ മുതൽ എയർ ഇന്ത്യക്ക് ഏഴ് പുതിയ റൂട്ടുകൾ, അറിയേണ്ടതെല്ലാം
-
Gulf2 years ago
ഒമാനില് ജനങ്ങള് കൈകോര്ത്ത് മലകള്ക്കിടയിലൂടെ റോഡ് നിര്മിച്ചു; 450 കിലോമീറ്റര് യാത്ര 10 കിലോമീറ്ററായി കുറഞ്ഞു
-
Gulf2 years ago
ദുബായിലെ ബസപകടം; നഷ്ടപരിഹാരതുക ലഭിക്കില്ലെന്ന് പറഞ്ഞു നിയമസ്ഥാപനങ്ങൾ ഒഴിവാക്കിയ കേസിൽ സലാം പാപ്പിനിശ്ശേരിയുടെ ഇടപെടൽ ഫലം കണ്ടു. കോടതി ചിലവ് ഉൾപ്പെടെ 47 ലക്ഷം ഇന്ത്യൻ രൂപ (രണ്ടുലക്ഷത്തി ആറായിരം ദിർഹംസ് ) തുക നൽകാൻ ഉത്തരവ്
-
Business2 years ago
മിഡിൽ ഈസ്റ്റിൽ ചികിത്സാ ചെലവുകൾ കുറയ്ക്കാം; ആശുപത്രി വാസം ഒഴിവാക്കാൻ ആകും, ഒരു പുതു സംരംഭം
-
Tech2 years ago
ആ ‘ശല്യം’ ഇനി ഇന്സ്റ്റഗ്രാമിലും; പുതിയ നീക്കവുമായി മെറ്റ