ദുബായ്ഇ: സ്താംബൂൾ: യാത്രാ, വ്യോമയാന മേഖലകളിലെ ലോകത്തെ മുൻനിര സ്ഥാപനങ്ങളുമായി പരിചയവിനിമയം ശക്തിപ്പെടുത്താനും വിദഗ്ധത പങ്കിടാനും ലക്ഷ്യമിട്ട്, ജനറൽ ഡയറക്ടറേറ്റ് ഓഫ് ഐഡന്റിറ്റി ആൻഡ് ഫോറിനേഴ്സ് അഫയേഴ്സ് – ദുബായ് (ജി.ഡി.ആർ.എഫ്.എ ദുബായ്), ഇന്റർനാഷണൽ എയർ ട്രാൻസ്പോർട്ട് അസോസിയേഷൻ (IATA) സംഘടിപ്പിച്ച “ടൈറ്റാമിക് യൂസേഴ്സ് ഫോറം” എന്ന പരിപാടിയിൽ പങ്കെടുത്തു. ഈ ഫോറം നവംബർ 3 മുതൽ 6 വരെ ഇസ്താംബൂളിൽ നടന്ന ഗ്ലോബൽ പാസഞ്ചർ സിംപോസിയത്തിന്റെ ഭാഗമായി നടന്നു.
ദുബായ് എയർപോർട്ട് അഫയേഴ്സ് സെക്ടറിന്റെ അസിസ്റ്റന്റ് ഡയറക്ടർ ജനറൽ മേജർ ജനറൽ തലാൽ അഹ്മദ് അൽ ഷൻഖിതി നേതൃത്വം നൽകുന്ന പ്രതിനിധി സംഘം ദുബായ് സഞ്ചാരികളുടെ യാത്ര നിയന്ത്രണത്തിലും നടപടിക്രമ ലളിതീകരണത്തിലും കൈവരിച്ച നവീന പരിഹാരങ്ങൾ അവതരിപ്പിച്ചു.വിമാനത്താവളങ്ങളുടെ കാര്യക്ഷമത വർദ്ധിപ്പിക്കുന്നതും യാത്രാ അനുഭവം കൂടുതൽ സുഖപ്രദമാക്കുന്നതുമായ ഏറ്റവും പുതിയ സ്മാർട്ട് സൊല്യൂഷനുകളും ഇവർ പ്രദർശിപ്പിച്ചു.
ജി.ഡി.ആർ.എഫ്.എ ദുബായ് ഈ ആഗോള പരിപാടിയിൽ പങ്കെടുത്തത് വിമാനയാന-യാത്രാ മേഖലകളുമായി ബന്ധപ്പെട്ട അന്താരാഷ്ട്ര സംഘടനകളുമായുള്ള തന്ത്രപരമായ സഹകരണം കൂടുതൽ ഉറപ്പാക്കാനും, സുരക്ഷിതവും ഡിജിറ്റലായും സംയോജിതമായ യാത്രാനുഭവം നൽകുന്ന പുതിയ സാങ്കേതിക വിദ്യകൾ അന്വേഷിക്കാനും ലക്ഷ്യമിട്ടാണ്. ഇതുവഴി ദുബായ് ലോകത്തിലെ മുൻനിര ട്രാവൽ കേന്ദ്രങ്ങളിൽ ഒന്നാണെന്ന സ്ഥാനം കൂടുതൽ കൂടുതൽ ഉറപ്പിക്കാനുമാണെന്ന് ജനറൽ ഡയറക്ടറേറ്റ് അറിയിച്ചു.
“ദുബായിലെ വിമാനത്താവളങ്ങൾ യാത്രാനുഭവത്തിൽ കാര്യക്ഷമതയും നവീനതയും നിറഞ്ഞ മാതൃകയായി മാറട്ടെയെന്നതാണ് നമ്മുടെ നേതൃത്വം ലക്ഷ്യമിടുന്നതെന്ന്. അതിനായി നാം ഡിജിറ്റൽ പരിഹാരങ്ങൾ സ്വീകരിക്കുകയും അന്താരാഷ്ട്ര സഹകരണം കൂടുതൽ ശക്തിപ്പെടുത്തുകയും ചെയ്യുന്നു. അതിലൂടെ ദുബായ് വിമാനത്താവളങ്ങൾ ലോകത്തിലെ ഏറ്റവും മികച്ച യാത്രാനുഭവം നൽകുന്ന കേന്ദ്രങ്ങളായി നിലനിൽക്കുമെന്ന് ജി ഡി ആർ എഫ് എ ദുബായ് മേധാവി ലഫ്: ജനറൽ മുഹമ്മദ് അൽ മർറി അഭിപ്രായപ്പെട്ടു.
“ഈ കോൺഫറൻസ് അറിവ് പങ്കുവെയ്ക്കാനും ദുബായുടെ വിമാനത്താവള മാനേജ്മെന്റിൽ നേടിയ മികച്ച അനുഭവങ്ങൾ ലോകത്തിന് മുന്നിൽ അവതരിപ്പിക്കാനും ഒരു വലിയ അവസരമായിരുന്നു. മനുഷ്യവിദഗ്ധതയും സാങ്കേതികവിദ്യയും സംയോജിപ്പിച്ച് പ്രവർത്തന കാര്യക്ഷമതയുടെ ഉയർന്ന നിലവാരം ഉറപ്പാക്കുകയെന്നതാണ് ഞങ്ങളുടെ ലക്ഷ്യമെന്ന് മേജർ ജനറൽ തലാൽ അഹ്മദ് അൽ ഷൻഖിതി പറഞ്ഞു.
“സ്മാർട്ട് ട്രാവൽ ഇക്കോസിസ്റ്റം വികസിപ്പിക്കാനും അന്താരാഷ്ട്ര വിമാനയാന സ്ഥാപനങ്ങളുമായുള്ള സഹകരണം വിപുലീകരിക്കാനും ഞങ്ങൾ മുന്നോട്ടുള്ള സമീപനം പിന്തുടരുന്നു. ഇത് ദുബായ് വിമാനത്താവളങ്ങൾ ആഗോളതലത്തിൽ നേടിയ പുരോഗതി പ്രതിഫലിപ്പിക്കുന്നതുമാണെന്ന് അദ്ദേഹം കൂട്ടിച്ചേർത്തു.
